काल बेंगळुरू येथे देशातील विरोधी पक्षांची बैठक झाली. या बैठकीत २६ पक्ष सहभागी झाले होते. या बैठकीत २०२४ च्या लोकसभा निवडणुकां संदर्भात रणनीतीवर चर्चा झाली. विरोधी पक्षांनी त्यांच्या युतीचे नाव INDIA ठेवले, याचे फुल फॉर्म Indian National Developmental Inclusive Alliance असा आहे. बैठकीच्या एक दिवस आधी, केंद्राने आणलेल्या दिल्ली अध्यादेशावर आपली भूमिका स्पष्ट करत काँग्रेसने आम आदमी पक्षाला पाठिंबा देण्याचा निर्णय घेतला. यानंतर आपचे राष्ट्रीय संयोजक अरविंद केजरीवाल यांनीही बेंगळुरू येथील बैठकीला हजेरी लावली.
मंगळवारी विरोधी पक्षांच्या बंगळुरू बैठकीनंतर आम आदमी पार्टी नेतृत्त्वाने आपल्या सोशल मीडिया टीमला काँग्रेसविरोधात ट्विट न करण्यास आणि एकूणच संयमी दृष्टिकोन स्वीकारण्यास सांगितले आहे.
महाबळेश्वर परिसरात जोरदार पाऊस; रस्त्यावर पाणी तर अंबेनळी घाटात दरड कोसळली
मुख्यमंत्री अरविंद केजरीवाल यांना काँग्रेसच्या वरिष्ठ नेत्यांनी पाटणा येथील पहिल्या विरोधी बैठकीत आम आदमी पक्षाच्या नेत्यांनी सोशल मीडियावर तसेच प्रेसमध्ये केलेल्या पक्षविरोधी विधानांची विशिष्ट उदाहरणे सांगितली होती. यानंतरच आम आदमी पक्षाच्या सर्वोच्च नेतृत्वाने आपल्या सोशल मीडिया टीमला काँग्रेसवर टीका न करण्याच्या सूचना दिल्या आहेत. “सोशल मीडिया टीमला नजीकच्या भविष्यात काँग्रेसविरोधी पोस्ट न टाकण्याची सूचना देण्यात आली आहे.” AAP च्या पंजाब आणि दिल्ली युनिट्सने भूतकाळात देशातील सर्वात जुना पक्ष काँग्रेस विरोधात मवाळ भूमिका घेतली आहे.
आम आदमी पक्षाच्या एका नेत्याने सांगितले की, 'आपने पंजाबमध्ये काँग्रेसचा पराभव केला आणि दिल्लीत त्याचा सफाया केला. ते सरळ न घेतल्याने राज्य घटकांमध्ये समस्या निर्माण होऊ शकतात, जेव्हा काँग्रेसच्या मतांची टक्केवारी वाढते तेव्हा 'आप'ला त्रास होतो हे लक्षात घेता.' समन्वय साधणे कठीण होत आहे, विशेषत: पुढे कसे जायचे याबद्दल 'योग्य दिशानिर्देश' नसताना. काँग्रेसच्या एका सूत्राने सांगितले की, “हा राष्ट्रीय नेतृत्वाने घेतलेला निर्णय आहे आणि आम्ही पक्षाचे निष्ठावंत म्हणून तो पुढे नेऊ; पण अधिकृत ट्विटर हँडलवरून बैठकीतील अरविंद केजरीवाल यांचे विधान ट्विट करणे दिल्ली तसेच पंजाबमधील आमच्या राज्य युनिट्ससाठी चांगले गेले नाही.