राजस्थानमधील भिवानी येथील साथलका गावात असलेल्या बिल्लू कॉलनी परिसरात आज सकाळी एक मोठी दुर्घटना घडली आहे. येथील एका घरात सकाळी जेवण बनवताना गॅस सिलेंडरचा मोठा स्फोट झाला. या घटनेमुळे परिसरात मोठी खळबळ उडाली आहे. घरात अचानक झालेल्या या स्फोटामुळे एखाच कुटुंबातील सात जण गंभीर जखमी झाले आहेत. तसेच स्फोटानंतर घटनास्थळावर गडबड गोंधळ आणि भीतीचं वातावरण निर्माण झालं आहे. स्फोटाची माहिती पोलीस प्रशासनाला देण्यात आल्यानंतर पोलिसांनी घटनास्थळी धाव घेतली.
घटनास्थळी दाखल झाल्यानंतर पोलिसांनी जखमींना तातडीने उपाचारांसाठी रुग्णालयात दाखल केले. या दुर्घटनेत जखमी झालेल्यांची ओळख राम सिंह, ममता, भुवेश, पंकज, छगन, काजल, किशनवती यांच्या रूपात झाली आहे. सर्व जखमींना भिवाडी जिल्हा रुग्णालयात नेण्यात आलं. तिथे प्राथमिक उपचारांनंतर डॉक्टरांनी त्यांची अंत्यवस्थ अवस्था पाहून त्यांना अधिक उपचारांसाठी अलवर येथे पाठवण्यात आले.
या घटनेबाबत प्रत्यक्षदर्शींनी सांगितले की, स्फोट झाला तेव्हा घरामध्ये जेवण तयार करण्याची तयारी सुरू होती. त्यादरम्यान, गॅस सिलेंडरमधून गळती होत होती. त्यामुळे जेव्हा गॅस पेटवण्यासाठी माचिसची काडी पेटवली गेली. तेव्हा अचानक मोठा स्फोट झाला. त्यामुळे संपूर्ण घराचं मोठं नुकसान झालं. तसेच ७ जण जखमी झाले.
Web Summary : A gas cylinder explosion in Bhiwani, Rajasthan, injured seven family members. A gas leak ignited when a matchstick was lit, causing a blast that damaged the house. The injured were rushed to a hospital in Alwar for advanced treatment.
Web Summary : भिवानी, राजस्थान में गैस सिलेंडर फटने से एक परिवार के सात सदस्य घायल हो गए। माचिस की तीली जलाने से गैस रिसाव में आग लग गई, जिससे विस्फोट हुआ और घर क्षतिग्रस्त हो गया। घायलों को बेहतर इलाज के लिए अलवर के अस्पताल में ले जाया गया।