दिल्ली येथील द्वारका सेक्टर-13 मधील 'सबद अपार्टमेंट'मध्ये आज (10 जून) सकाळच्या सुमारास एका फ्लॅटमध्ये भीषण आग लगाली. घटनेची सूचना मिळताच एकच गोंधळ उडाला. ही आग इमारतीच्या वरच्या मजल्यावरील फ्लॅटला लागली. यावेळी, एका व्यक्तीने आगीपासून जीव वाचवण्यासाठी आपल्या 2 मुलांसह इमारतीवरून उडी घेतली. यात तिघांचाही मृत्यू झाला आहे.
दरम्यान, सकाळी १०:०१ वाजताच्या सुमारास आगीची माहिती अग्निशमन विभागाला कळवण्यात आली. यानंतर, मदत आणि बचाव कार्य त्वरित सुरू करण्यात आले. या घटनेचा व्हिडिओ सोशल मीडियावर व्हायरल होत आहे. त्यात इमारतीच्या वरच्या मजल्यावर आगीच्या ज्वाळा दिसत आहेत.
अग्निशमन दलाने दिली अशी माहिती -आगीची माहिती मिळताच अग्नीशमन दलाने 8 वाहनांसह घटनास्थळी धाव घेतली. यानंतर अग्निशमन दलाने घटनास्थळी पोहोचून आग आटोक्यात आणण्याचे प्रयत्न सुरू केला आहेत.
महत्वाचे म्हणजे, अग्निशमन विभागाने कोणत्याही प्रकारच्या अफवांवर विश्वास ठेऊ नये, असे आवाहन केले आहे. आगीचे कारण अद्याप स्पष्ट झालेले नाही. घटनास्थळी मदत आणि बचाव कार्य सुरू आहे.