उत्तराखंडच्या मसुरी-डेहरादून प्रमुख मार्गावर शेरगडीजवळ भीषण अपघाताची दुर्घटना घडली. या महामार्गावरुन जात असलेल्या बसमधील चालकाचे गाडीवरील नियंत्रण सुटल्याने ही बस एका खोल दरीत कोसळली. बसमध्ये २२ प्रवासी प्रवास करत होते, त्यापैकी २ जणांचा मृत्यू झाल्याची माहिती आहे. या घटनेची माहिती मिळताच स्थानिक पोलीस प्रशासन, वैद्यकीय यंत्रणा आणि अग्निशमन दल व आपत्ती व्यवस्थापन विभागातील कर्मचाऱ्यांना घटनास्थळी धाव घेतली.
या भीषण दुर्घटनेत बसमधील इतर २२ प्रवासी जखमी झाले असून त्यांच्यावर प्राथमिक उपचार करुन ताततडीने जवळील रुग्णालयात हलवण्यात आले आहे. ही बस मसुरीहून-डेहरादूनला जात होती, दरम्यान, आयटीबीपीजवळी एका वळणाच्या रस्त्यावर वाहकाचे बसवरील नियंत्रण सुटले अन् बस दरीत कोसळली. सध्या मदत व बचावकार्य सुरू असून जखमींना लंढौर येथील उपजिल्हा रुग्णालयात पाठवण्यात आलं आहे.