२८... कुही... मांस

प�

��च आरोपींची जामिनावर सुटका
मांस विक्रीप्रकरण : रानडुकराचा अपघातात मृत्यू
कुही : अज्ञात भरधाव वाहनाच्या रानडुकराचा मृत्यू झाला. या रानडुकराच्या मांसाची विक्री करणाऱ्या पाच जणांना वन विभागाने अटक केली होती. त्यांची कुही येथील न्यायालयाने जामिनीवर सुटका केल्याची माहिती वन कर्मचाऱ्यांनी दिली.
भारत भुरा लुचे (६०), सुनील भारत लुचे (२५), देवीदास रतिराम बावणे (४०), मनोज नारायण लुचे (३०) व सुनील भैयाजी बावणे (३५) सर्व रा. गोठणगाव, ता. कुही अशी आरोपींची नावे आहेत. तालुक्यातील पचखेडी-गोठणगाव मार्गावरील रेंगातूर फाट्याजवळ बुधवारी सकाळी अज्ञात वाहनाच्या धडकेत रानडुकराचा मृत्यू झाला होता. भारत लुचे हा या मार्गाने जात असताना त्याला रानडुकराचा मृतदेह रोडवर पडला असल्याचे आढळून आले.
त्याने या रानडुकराची विल्हेवाट लावली आणि मांसाची १०० रुपये प्रति किलोप्रमाणे इतरांना विक्री केली. सदर प्रकाराची माहिती वन विभागाच्या वन्यजीव विभागाला मिळताच वन विभागाच्या पथकाने या आरोपींना रानडुकराचे मांस खाताना अटक केली. त्यांच्याविरुद्ध वन्यजीव अधिनियम १९७२, कलम २, ९, २७, ३१, ३९, ४२, ४४, ५०, ५१ अन्वये गुन्हा नोंदवून त्यांच्याकडून मांस कापण्यासाठी वापरलेले शस्त्र जप्त केले.
दरम्यान, बुधवारी या आरोपींना कुही येथील न्यायालयात हजर केले होते. त्यावेळी न्यायालयाने त्यांना तीन दिवसांची वन कोठडी सुनावली होती. वन कोठडीची मुदत संपल्याने त्यांना शनिवारी न्यायालयात हजर केले होते. न्यायालयाने या आरोपींचा जामीन मंजूर करून त्यांची सुुटका केली. ही कारवाई वन परिक्षेत्र अधिकारी लक्ष्मण आवारे यांच्या मार्गदर्शनात वनरक्षक मोडके, वनपाल राऊत आदींनी केली. (तालुका वार्ताहर)
***