२७... रेती

(फ

ोटो)
अवैध रेती वाहतुकीचा ट्रॅक्टर पकडला
चालकास अटक : रेतीसह तीन लाखांचा ऐेवज जप्त
नागपूर : जिल्ह्यातील पारशिवनी पोलिसांनी पालोरा शिवारात केलेल्या कारवाईमध्ये रेतीची अवैध वाहतूक करणारा ट्रॅक्टर पकडला. यात चालकास अटक करून रेतीसह एकूण तीन लाख ५०० रुपये किमतीचा ऐवज जप्त केल्याची माहिती पोलिसांनी दिली.
पालोरा शिवारात रेतीची अवैध वाहतूक केली जात असल्याची माहिती मिळताच, पारशिवनी पोलिसांनी शुक्रवारी मध्यरात्री या परिसरातील वाहनांवर पाळत ठेवली होती. दरम्यान, एमएच-४०/एल-७०९ (ट्रॉली क्रमांक एमएच-३१/झेड-२८७) क्रमांकाच्या ट्रॅक्टरच्या ट्रॉलीमध्ये रेती असल्याचे पोलिसांच्या निदर्शनास आले. पोलिसांनी सदर ट्रॅक्टर थांबवून कागदपत्रांची तपासणी केली. त्यात सदर रेती विना रॉयल्टी असल्याचे स्पष्ट होताच रेतीसह ट्रॅक्टर जप्त करण्यात आला. या कारवाईमध्ये ५०० रुपये किमतीच्या अर्धा ब्रास रेतीसह एकूण तीन लाख ५०० रुपये किमतीचा ऐवज जप्त केला. या प्रकरणी पारशिवनी पोलिसांनी भादंवि ३७९ अन्वये गुन्हा नोंदवून ट्रॅक्टरचालक वसीम वहीद बाघाडे (२३, रा. पारशिवनी) यास अटक केली. (प्रतिनिधी)
***