१९... खापरखेडा... अपघात

(फ

ोटो)
विचित्र अपघातात तिघे जखमी
ट्रकचालकास अटक : खापरखेडा - दहेगाव मार्गावरील घटना
खापरखेडा : भरधाव ट्रकने विरुद्ध दिशेने येणाऱ्या कारला धडक दिली. ही कार ऑटोवर आदळली. यात दोघे गंभीर तर महिला किरकोळ जखमी झाली. ही घटना खापरखेडा पोलीस ठाण्याच्या हद्दीतील खापरखेडा - दहेगाव (रंगारी) मार्गावरील विटभट्टीसमोर मंगळवारी रात्री १०.३० वाजताच्या सुमारास घडली.
हिसाक युसूफ शेख, शांता पटले व दानिश शेख अशी जखमींची नावे आहेत. एमपी-०९/केसी-५८४२ क्रमांकाचा भरधाव ट्रक दहेगाव (रंगारी)हून खापरखेड्याकडे येत होता. या ट्रकच्यामागे हिसाक शेख व शांता पटले हे एमएच-३१/एएच-७८७१ क्रमांकाच्या ऑटोने खापरखेड्याकडे जात होते. त्याचवेळी दानिश शेख हा एमएच-४०/एसी-५५६ क्रमांकाच्या कारने खापरखेड्याहून दहेगावकडे जात होता. दरम्यान, खापरखेडा - दहेगाव मार्गावरील विटभट्टीसमोर भरधाव ट्रकने विरुद्ध दिशेने येणाऱ्या कारला जोरदार धडक दिली. त्यातच ट्रकच्या मागे असलेला ऑटोही या कारवर आदळला आणि रोडच्या कडेला उलटला. यात ऑटोतील दोघे व कारमधील एक असे तिघे जखमी झाले.
अपघात होताच
परिसरात असलेल्या आकाश राऊत आणि दिलीप खापरे या दोघांनी घटनास्थळाकडे धाव घेतली. या दोघांनीही तिन्ही जखमींना वाहनातून बाहेर काढले आणि लगेच खापरखेडा पोलिसांना सूचना दिली. पोलिसांनी तिन्ही जखमींना नजीकच्या रुग्णालयात उपचारार्थ हलविले. या प्रकरणी खापरखेडा पोलिसांनी गुन्हा नोंदवून ट्रकचालक कदीर मुन्नू शेख (५०, रा. मुलताई, जिल्हा बैतूल, मध्य प्रदेश) या अटक केली. सदर घटनेचा तपास खापरखेडा पोलीस करीत आहे. (प्रतिनिधी)
----------चौकट--------
क्वॉलिसने बालकास उडविले
भरधाव क्वॉलिसने रोड ओलांडत असलेल्या पाच वर्षिय बालकास उडविले. यात तो बालक गंभीर जखमी झाला. ही घटना खापरखेडा पोलीस ठाण्याच्या हद्दीतील नागपूर - सावनेर मार्गावरील दहेगाव (रंगारी) येथे मंगळवारी सायंकाळी ६ वाजताच्या सुमारास घडली. जखमी बालकाचे नाव कळू शकले नाही. तो त्याच्या आजीच्या मागेच रोड ओलांडत होता. दरम्यान, एमएच-३१/एजी-६०५३ क्रमांकाच्या भरधाव क्वॉलिसने त्याला उडविले. या प्रकरणी खापरखेडा पोलिसांनी क्वॉलिस जप्त करून चालक हमीद अजीज खान (४८, रा. महाल, नागपूर) यास अटक केली. या ठिकाणी पूर्वी एका विद्यार्थ्याचा व वृद्धाचा अपघाती मृत्यू झाला होता.
***