ठाणगाव येथून प्रेमराज अशोक जगताप (१८, रा. ठाणगाव, ता. सिन्नर) व राजेश पवार (२१) हे दोघे हिरो होंडा मोटारसायकलने (क्र. एमएच. सीजे. २५१३) सिन्नर येथे कामानिमित्त येत होते. त्याच सुमारास घोटीकडून भरधाव वेगात येणार्‍या पिकअप जीपने (क्र.एमएच.१५ डीके, ९१५) मोटारसायकलला जोरदार धडक दिली. त्यात प्रेमराज याला गंभीर दुखापत झाल्याने तो गतप्राण झाला. तर जखमी राजेशला उपचारांसाठी खासगी दवाखान्यात हलविण्यात आले. दरम्यान, उत्तरीय तपासणीनंतर प्रेमराजचा मृतदेह नातेवाईकांच्या ताब्यात देण्यात आला. पिकअप चालकाविरोधात गुन्हा दाखल करण्यात आला असून पोलिस निरीक्षक संतोष मुटकुळे यांच्या मार्गदर्शनाखाली पोलिस हवालदार जी. डी. परदेशी पुढील तपास करीत आहेत.
डुबेरे नाक्यावर अपघातात ठाणगावचा युवक ठार
By लोकमत न्यूज नेटवर्क | Updated: December 23, 2020 17:44 IST