येवल्यात ३,२६५ आदिवासी लाभार्थ्यांना खावटी कीट

येथील शासकीय विश्रामगृह येथे खावटी योजनेंतर्गत आदिवासी पात्र लाभार्थ्यांना जीवनावश्यक वस्तूंचे किट वाटप भुजबळ यांच्या हस्ते करण्यात आले. त्यावेळी ते बोलत होते. आदिवासी बांधवांनी लसीकरणाबाबत असणाऱ्या अफवांवर विश्वास न ठेवता, कोरोनाच्या लक्षणांकडे दुर्लक्ष न करता तत्काळ दवाखान्यात जाऊन उपचार घ्यावेत, असे आवाहनही भुजबळ यांनी केले.

नाशिक जिल्ह्यात ६१ हजार खावटी किटचे वाटप करण्यात येणार असून, येवला तालुक्यात ३ हजार २६५ किटचे वाटप करण्यात येणार आहे. तसेच या योजनेतून लाभार्थ्यांच्या खात्यावर दोन हजार रुपये जमा करण्यात आले असून, दोन हजार रुपयांच्या जीवनावश्यक वस्तुूंचे वाटप करण्यात येत आहे, असेही पालकमंत्री भुजबळ यांनी यावेळी सांगितले. वाल्मिक दगडू पवार, बापू मालसिंग दळवी, कमल श्रावण मोरे, भिमाजी सुकदेव मोरे, संजय निवृत्ती माळी, सुभाष छबू बहिरम, बाळू चिंधू भंवर, शरद उत्तम मोरे, रवींद्र मोरे, भिवाजी वाघ, लखन वाघ, विठाबाई पवार, वैशाली उपासे, संतोष मोरे, अमोल गायकवाड, मधुकर सुरासे, ज्ञानेश्वर माळी, बाळू भंवर, आदी लाभार्थ्यांना जीवनावश्यक वस्तूंचे खावटी किट वाटप करण्यात आले.

याप्रसंगी एकात्मिक आदिवासी विकास प्रकल्प कार्यालयाच्या प्रकल्प अधिकारी तथा सहायक जिल्हाधिकारी वर्षा मीना, सहायक प्रकल्प अधिकारी गुजर, शिक्षण विस्तार अधिकारी संजय कापडणीस, नगरसूल आश्रम शाळेचे मुख्याध्यापक, शिक्षक व शिक्षकेतर कर्मचारी, आदी उपस्थित होते.

फोटो- १६ भुजबळ येवला

येवला येथे आदिवासी लाभार्थ्यांना खावटी किटचे वाटप करताना पालकमंत्री छगन भुजबळ.

160721\16nsk_26_16072021_13.jpg

फोटो- १६ भुजबळ येवलायेवला येथे आदिवासी लाभार्थ्यांना खावटी किटचे वाटप करताना पालकमंत्री छगन भुजबळ.