यंदा मांजरपाडाचे पाणी डोंगरगावपर्यंत पोहोचणार

भुजबळ यांनी पुणेगाव- दरसवाडी- डोंगरगाव कालव्यावरील येवला तालुक्यातील अनकुटे शिवारात असलेल्या रेल्वे क्रॉसिंगच्या कामाची पाहणी केली. यावेळी भुजबळ यांनी सांगितले, मांजरपाडा-देवसाने प्रकल्पाचे असलेले आव्हानात्मक काम लवकरच पूर्ण होत आहे. सातत्याने पाठपुरावा करून काम पूर्ण करण्यासाठी प्रयत्न करण्यात येत आहेत. या प्रकल्पातील रेल्वे क्रॉसिंगचे काम गेल्या दोन वर्षांपासून प्रलंबित होते. रेल्वे प्रशासनाकडे सातत्याने पाठपुरावा करून यासाठी परवानगी मिळविण्यात आली. या क्रॉसिंगचे काम सुरू असून क्रॉसिंगसह राहिलेली किरकोळ कामे या महिनाभरात पूर्ण होतील. त्यामुळे यंदाच्या वर्षी या प्रकल्पाचे पाणी पूर्ण क्षमतेने डोंगरगावपर्यंत पोहोचविण्याचे उद्दिष्ट आहे. मांजरपाडा प्रकल्पाचे काम पूर्ण झाले असल्याने यंदाच्या वर्षी पूर्ण क्षमतेने पाणी येवल्याच्या दिशेने येणार आहे. प्रकल्प नवीन असल्याने पहिल्या वर्षी अडचणी येतील. मात्र, त्या सोडविल्या जातील, असेही भुजबळ यांनी आश्वस्त केले.

इन्फो

लवकरच जलपूजन

लवकरच येवल्याच्या दिशेने पाणी आल्यानंतर पुन्हा एकदा या कामाची आपण पाहणी करून जलपूजन करू, असे भुजबळ यांनी यावेळी सांगितले. यावेळी कार्यकारी अभियंता राजेंद्र शिंपी, तालुकाध्यक्ष साहेबराव मढवई, येवला बाजार समितीचे प्रशासक वसंत पवार, जिल्हा परिषद सदस्य ज्ञानेश्वर जगताप, अरुण थोरात, मोहन शेलार, दीपक लोणारी, मकरंद सोनवणे, बाळासाहेब गुंड, नवनाथ काळे, प्रा. ज्ञानेश्वर दराडे, ज्ञानेश्वर शेवाळे, साहेबराव आहेर, सुनील पैठणकर, भाऊसाहेब धनवटे यांच्यासह अधिकारी व पदाधिकारी उपस्थित होते.

फोटो - १५ येवला भुजबळ

येवला तालुक्यातील अनकुटे शिवारात रेल्वे क्रॉसिंग कामाची पाहणी करताना पालकमंत्री छगन भुजबळ.

150721\15nsk_36_15072021_13.jpg

फोटो - १५येवला भुजबळ  येवला तालुक्यातील अनकुटे शिवारात रेल्वे क्रॉसिंग कामाची पाहणी करताना पालकमंत्री छगन भुजबळ.