सीसीटीव्ही कॅमेऱ्याच्या फुटेजमधून गळतीच्या घटनेचा उलगडा

महापालिकेच्या डॉ. झाकीर हुसेन रुग्णालयात आणि बाहेरही सीसीटीव्ही कॅमेरे असून, त्यातून दुर्घटना कशी घडली याचा उलगडा होण्याची शक्यता आहे. प्रशासन यासंदर्भात आता फुटेजची तपासणी करणार आहे. त्यामुळे व्हॉल्व कसा फुटला, गळती कशी झाली याची वस्तुस्थिती समेार येण्याची शक्यता आहे.

ठळक मुद्देशक्यता : ठेकेदार रडारवर, पुरेसे तंत्रज्ञ नसल्याने घ्यावी लागली अन्य तंत्रज्ञांची मदत

नाशिक : महापालिकेच्या डॉ. झाकीर हुसेन रुग्णालयात आणि बाहेरही सीसीटीव्ही कॅमेरे असून, त्यातून दुर्घटना कशी घडली याचा उलगडा होण्याची शक्यता आहे. प्रशासन यासंदर्भात आता फुटेजची तपासणी करणार आहे. त्यामुळे व्हॉल्व कसा फुटला, गळती कशी झाली याची वस्तुस्थिती समेार येण्याची शक्यता आहे.
ऑक्सिजन गळतीबाबत वेगवेगळे  कारणे  सांगितली जात आहे. काहींनी टँकरमधून गॅस भरला जात असताना प्रेशरमुळे गळती झाल्याचा दावा केला होता. तर प्रशासनाने मात्र स्पष्ट कारण केले नसले तरी आयुक्त कैलास जाधव यांनी टाकीतून वेपरोयाझरमध्ये द्रवरूप ऑक्सिजन पाठवताना जोडणीवर गळती झाली असे सांगितले होते. ऑक्सिजन प्रेशरमुळे ही दुर्घटना घडल्याचे सांगितले जात होते. त्यामुळे नक्की काय झाले ते स्पष्ट होऊ शकले नव्हते. आता या टाकीच्या बाजूने आणि टाकीवर असलेल्या सीसीटीव्ही कॅमेऱ्याच्या फुटेजमधूनदेखील घटनाक्रम लक्षात येणार आहे. आता प्रशासन हे फुटेज घेणार आहे.
दरम्यान, ऑक्सिजन टाकी दहा वर्षांसाठी भाड्याने घेतल्यानंतर या टाकीची देखभाल दुरुस्तीदेखील ठेकेदार कंपनीकडेच आहे. परंतु कंपनीकडे पुरेसे तंत्रज्ञच नाही किंबहुना एकच जण हे देखभाल दुरुस्तीचे काम करीत आहे. महापालिकेत सातत्याने काम करायचे असेल तर संबंधित ठेकेदाराला नाशिकमध्ये ऑफिस सक्तीचे करावे लागते, तसेच तंत्रज्ञदेखील आवश्यक 
असतो. 
महापालिकेने काढलेल्या निविदेत अशी अट होती की नाही आणि नसेल तर इतक्या महत्त्वाच्या विषयात शिथिलता का दिली, असा प्रश्न उपस्थित केला जात आहे. विशेष म्हणजे इतकी मोठी दुर्घटना घडल्यानंतरदेखील संबंधित कंपनीचे अधिकारी नाशिकमध्ये दाखल झालेले नाही, ते शुक्रवारी (दि.२३) दाखल होणार असल्याचे सांगण्यात आले.
नव्या टाकीला अवघ्या २० दिवसांत गळती
रुग्णालयात ठेकेदाराने बसवलेली टाकी ३१ मार्चपासून वापरण्यास सुरुवात झाली होती. म्हणजे अद्याप एक महिनाही झाला नाही. परंतु २१व्या दिवशी पाइपलाइनची गळती झाल्याने आश्चर्य व्यक्त करण्यात येत आहे. नवीन टाकीला गळती कशी काय लागू शकते, असा प्रश्न उपस्थित केला जात आहे.
nऑक्सिजन टाकीत किती ऑक्सिजन आला आणि वापरला गेला 
अशा प्रकारच्या कामासाठी शहर अभियंता संजय घुगे यांनी बांधकाम विभागाचे दोन अभियंता नियुक्त केले होते. घटना घडली त्यावेळी ऑक्सिजन टँकरदेखील येणार होता, मग अशा वेळी संबंधित अभियंते नक्की कुठे होते असाही प्रश्न केला जात आहे.
मनपाकडून अद्याप चाैकशी नाही
इतकी मोठी दुर्घटना घडल्यानंतर प्रशासनाने आपल्या स्तरावर तरी चौकशी करणे आवश्यक 
होते. मात्र, राज्य शासनाने उच्चस्तरीय चौकशी समितीची घोषणा 
केल्यानंतर महापालिकेने 
अशी कोणतीही कार्यवाही 
केलेली नाही.