Two women abducted by son-in-law's son-in-arms | दोन महिलांच्या सोनसाखळ्या ओरबाडून चोरटे फरार
दोन महिलांच्या सोनसाखळ्या ओरबाडून चोरटे फरार

ठळक मुद्देपोलिसांच्या कारभाराबाबत नाराजी व्यक्त संशयितांविरुद्ध सोनसाखळी चोरीचा गुन्हा दाखल

नाशिक : पोलीस आयुक्तालय हद्दीत सोनसाखळी चोरीची मालिका सुरूच असून, पोलिसांना सोनसाखळी चोरांना अटकाव करण्यास अपयश येत आहे. इंदिरानगर, म्हसरूळ पोलीस ठाण्यांच्या हद्दीत दोन महिलांच्या गळ्यातील सोनसाखळ्या चोरट्यांनी दुचाकीवरून येऊन लंपास केल्या.
पाथर्डी फाटा येथील माउलीनगर येथे एका पादचारी महिलेच्या गळ्यातून सुमारे ४८ हजार रुपये किमतीची सोनसाखळी दुचाकीवरून आलेल्या दोघा भामट्यांनी बळजबरीने ओढून पोबारा केल्याची घटना उघडकीस आली आहे.
याबाबत पोलिसांनी दिलेली माहिती अशी, अर्चना कैलास धोंडगे (४२, रा. लक्ष्मीनारायण हाईट्स समर्थनगर) या त्यांची मैत्रीण निकिता पंत यांच्याबरोबर मंगळवारी (दि.१६) रात्री साडेआठ वाजेच्या सुमारास माउलीनगर येथून पायी घरी जात होत्या. यावेळी दोघा दुचाकीस्वारांनी काळ्या रंगाच्या दुचाकीवरून भरधाव वेगात येऊन धोंडगे यांच्या गळ्यात असलेली १६ ग्रॅमची सोनसाखळी दुचाकीचालकाच्या पाठीमागे बसलेल्या युवकाने ओढल्याचे फिर्यादीत म्हटले आहे. या प्रकरणी धोंडगे यांच्या फिर्यादीवरून पोलिसांनी अज्ञात संशयितांविरुद्ध सोनसाखळी चोरीचा गुन्हा दाखल केला आहे. पुढील तपास उपनिरीक्षक मोरे करीत आहेत.
म्हसरूळ शिवारातील कलानगर येथे सायंकाळी फेरफटका मारण्यासाठी बाहेर पडलेल्या एका महिलेच्या गळ्यातील ४० हजार रु पये किमतीची सोनसाखळी ओरबाडून चोरट्यांनी धूम ठोकल्याची घटना रविवारी (दि.१४) सायंकाळच्या सुमारास घडली. याबाबत म्हसरूळ पोलीस ठाण्यात उज्ज्वला संतोष कोळी यांनी दिलेल्या तक्र ारीनुसार दोघा संशयितांविरुद्ध गुन्हा दाखल करण्यात आला आहे.
याबाबत पोलिसांनी दिलेली माहिती अशी, कलानगरच्या मधुबन बंगल्याच्या परिसरातील रहिवासी उज्ज्वला या रविवारी सायंकाळी त्यांच्या मैत्रीण राधा अग्रहरी यांच्यासमवेत म्हसरूळ येथील कलानगर ते रामेश्वरनगर दरम्यान फेरफटका मारत असताना वाघाडी पुलाजवळ अजिंक्यतारा सोसायटी रस्त्यासमोर काळ्या रंगाच्या पल्सर दुचाकीवरून आलेल्या दोघा भामट्यांपैकी मागे बसलेल्या चोरट्याने कोळी यांच्या गळ्यातील १२ ग्रॅम वजनाची सोनसाखळी हिसकावून नेल्याचे फिर्यादीत म्हटले आहे. काही दिवसांपूर्वी याच परिसरात भरदिवसा सोनसाखळी चोरीची घटना घडली होती. सदर घटनेला काही दिवस उलटत नाही तोच पुन्हा परिसरात सोनसाखळी ओरबाडून नेल्याची घटना घडल्याने म्हसरूळ पोलिसांच्या कारभाराबाबत नाराजी व्यक्त केली जात आहे.
---

 


Web Title: Two women abducted by son-in-law's son-in-arms
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.