ठळक मुद्देकुटुंबीयाच्या तक्रारीवरून गुन्हा दाखल
वणी : वणी-पिंपळगाव रस्त्यावरील मावडी शिवारात अज्ञात वाहनाने दुचाकीला धडक दिल्याने ३१ वर्षीय तरुणाचा मृत्यू झाला आहे.
अशोक शांताराम बदादे (रा. वाघाड, तालुका दिंडोरी) हे दुचाकीवरून वणी-पिंपळगाव रस्त्यावरून जात असताना त्याच सुमारास भरधाव वेगातील अज्ञात वाहनाने दुचाकीला धडक दिली.या अपघातात बदादे हे ठार झाले. अपघाताची खबर न देता घटनास्थळावरून फरार झालेल्या अज्ञात वाहनचालकाविरोधात मृत्यूस कारणीभूत तसेच दुचाकीचे नुकसान केल्याप्रकरणी मयताच्या कुटुंबीयाच्या तक्रारीवरून गुन्हा दाखल करण्यात आला आहे.