पंचवटी : मुंबई आग्रा महामार्गावर असलेल्या आडगाव जुना जकात नाक्याजवळ वळण घेणाऱ्या मारुती ओम्नी कारने दुचाकीला जबर धडक दिली. या अपघातात चांदवड तालुक्यातील साळसाने येथील एक जण ठार झाल्याची घटना घडली आहे. गुरुवारी रात्री हा अपघात घडला. याबाबत कार चालकावर गुन्हा दाखल करण्यात आला आहे. दीपक गंगाधर पातळे असे मृत्युमुखी पडलेल्या दुचाकीस्वाराचे नाव आहे.
गुरुवारी रात्री कारने (एमएच०५ एबी ६९०७) नाशिककडून ओझरकडे जाणाऱ्या रस्त्याने येऊन आडगाव गावाकडे जाणाऱ्या दुभाजकातील पंक्चरमधून वळण घेतले. यावेळी ओझरकडून नाशिककडे येणाऱ्या दुचाकीला (एम एच१५ सीपी६९८४) जबर धडक दिली.या धडकेत दीपक गंभीर जखमी झाला. त्याला तात्काळ उपचारासाठी रुग्णालयात दाखल केले होते. तेथे उपचारदरम्यान त्यांचा मृत्यू झाला. या अपघाताबाबत दिलीप गंगाधर पातळे यांनी दिलेल्या तक्रारीनुसार कार चालकावर अ्राडगाव पोलीस ठाण्यात गुन्हा दाखल करण्यात आला आहे.