दुचाकीस्वाराची बसला मागून धडक; किरकोळ जखमी

नाशिक : येथील पुणे महामार्गावर बोधलेनगर बस स्थानकावर एका दुचाकीस्वाराने बसथांब्यावर उभ्या असलेल्या बसला पाठीमागून येऊन धडक दिली. सुदैवाने या अपघातात दुचाकीस्वार किरकोळ जखमी झाला. द्वारकेकडून नाशिकरोड क डे हिरोहोंडा स्पेलेंडर दुचाकी (एम.एच १५एफपी ६८४३) बसथांब्यावर थांबलेल्या शहर बसला पाठीमागून जाऊन धडकली. सदर प्रकार बस वाहक-चालक यांच्या निदर्शनास आल्यानंतर त्यांनी तत्काळ जखमी दुचाकीस्वाराला प्रथमोपचारासाठी जवळच्या रुग्णालयात दाखल केले.