सटाणा : डांगसौंदाणे-ततानी रस्त्यावर रविवारी (दि.२०) रात्री ८ वाजण्याच्या सुमारास मोटारसायकल व अज्ञात वाहनामध्ये झालेल्या अपघातात घुलमाळ (साल्हेर) येथील दोघा तरुणांचा मृत्यू झाला आहे. मोहन मंगळू बागुल (२०) आणि दिनेश नामदेव ठाकरे (१८) अशी या तरुणांची नावे आहेत. मोहन व दिनेश दोघे (रा. घुलमाळ, ता. बागलाण) हे तरुण डांगसौंदाणे येथून आपल्या गावी जात असताना डांगसौंदाणे शिवारातील रघुनंदन फार्मच्या समोर रात्रीच्या वेळेस त्यांच्या मोटारसायकलला (क्रमांक एमएच ४१ बीसी ८५५६) अज्ञात वाहनाने दिलेल्या धडकेत दोघांचा जागीच मृत्यू झाला . याबाबत सटाणा पोलिसांना स्थानिक नागरिकांनी कळविल्यानंतर सटाणा पोलिसांनी घटनास्थळी येत दोघे मृतदेह डांगसौंदाणे ग्रामीण रुग्णालयात उत्तरीय तपासणीसाठी दाखल केले. पुढील तपास सटाणा पोलीस निरीक्षक सुहास अनुमोलवर यांच्या मार्गदर्शनाखाली पोलीस हवालदार जयंतसिंग सोळंकी करीत आहेत.
डांगसौंदाणेजवळ अपघातात दोन ठार
By लोकमत न्यूज नेटवर्क | Updated: February 21, 2022 01:03 IST