घोटी येथे सिलिंडर स्फोटात दोघे जखमी

घोटी येथे सिलिंडर स्फोटात दोघे जखमी

घोटी : शहरातील बाजार समितीच्या मागील वसाहतीत शनिवारी सकाळी घरगुती गॅस सिलिंडरचा स्फोट होऊन दोनजण जखमी झाले. गॅस गळतीमुळे स्फोट झाल्याचा अंदाज वर्तविण्यात येत असून, याबाबत घोटी पोलीस ठाण्यात तक्र ार दाखल केली आहे.
शहरातील बाजार समतिीच्या मागील बाजूस असणाऱ्या नागरी वसाहतीत अनेक कामगार भाडे तत्त्वावर राहतात. यात दगडू सोनवणे यांच्या चाळीत जिंदाल कारखान्यात काम करणारे चंद्रप्रकाश सूर्यबली चौहान हे आपल्या कुटुंबासह भाडे तत्त्वावर राहतात. आज सकाळी ६ वाजेच्या सुमारास ते कामावर जाण्यासाठी उठले. त्यांनी गॅस चालू करण्याचा प्रयत्न केला असता, सिलिंडरने पेट घेतला. दरम्यान चंद्रप्रकाश चौहान यांनी आरडाओरड करीत पत्नीला व मुलांना घराबाहेर जाण्यास सांगितले. यानंतर झालेल्या स्फोटात स्वयंपाकघरातील किचन ओटा, दरवाजा, खिडक्या, कपडे आदिंचे मोठ्या प्रमाणात नुकसान झाले. चंद्रप्रकाश चौहान हे भाजल्याने जखमी झाले आहेत. चौहान कुटुंबाचा आरडाओरडा ऐकून मदतीसाठी आलेले घरमालक अजय सोनवणे हेही यात जखमी झाले.  दरम्यान, घटनेची माहिती मिळताच घोटीचे पोलीस निरीक्षक प्रभाकर पाटील, उपनिरीक्षक संदीप शिंदे, प्रीतम लोखंडे यांच्यासह जयप्रकाश नागरे, प्रशांत जाधव आदिंनी घटनास्थळी धाव घेऊन पंचनामा केला. गॅस गळतीने सिलिंडरने पेट घेतला असावा असा अंदाज वर्तवण्यात येत आहे. (वार्ताहर)