नाशिक : शहरात दुचाकी चोरीच्या घटना सुरूच असून, विविध ठिकाणांहून तीन दुचाकी चोरट्यांनी चोरून नेल्याच्या घटना घडल्या आहेत़ किमान नवीन वर्षात तरी पोलिसांनी दुचाकी चोरीच्या घटनांना पायबंद घालण्याची मागणी नागरिकांकडून केली जात आहे़
पंचवटीतील अष्टविनायकनगरमधील रहिवासी शिवाजी शिंदे यांची २० हजार रुपये किमतीची काळ्या रंगाची डिस्कव्हर दुचाकी (एमएच १५, डीएक्स ७७३६) चोरट्यांनी दिंडोरी नाक्यावरील देशी दारू समोरून शनिवारी (दि़२९) सायंकाळच्या सुमारास चोरून नेली़ या प्रकरणी पंचवटी पोलीस ठाण्यात दुचाकी चोरीचा गुन्हा दाखल करण्यात आला आहे़
पेठ रोडवरील फुलेनगरमधील रहिवासी संजय आचारी यांची २० हजार रुपये किमतीची निळ्या रंगाची पॅशन प्लस दुचाकी (एमएच १५, बीझेड ०९०२) चोरट्यांनी मार्केट यार्डातील शिवभोला व्हेजिटेबल कंपनीच्या कार्यालयामागून सोमवारी (दि़३१) सायंकाळच्या सुमारास चोरून नेली़ या प्रकरणी पंचवटी पोलीस ठाण्यात दुचाकी चोरीचा गुन्हा दाखल करण्यात आला आहे़
गंगापूर रोडवरील ध्रुवनगर परिसरातील रहिवासी मनीषा तवर यांची ३० हजार रुपये किमतीची डिलक्स दुचाकी (एमएच १५, जीओ २८३९) चोरट्यांनी त्यांच्या घराच्या पार्किंगमधून सोमवारी (दि़३१) सायंकाळच्या सुमारास चोरून नेली़ या प्रकरणी पंचवटी पोलीस ठाण्यात दुचाकी चोरीचा गुन्हा दाखल करण्यात आला आहे़