कोणतेही खाद्यतेल घ्या, १४० रुपये किलो

---चौकट --

फ्लॉवर चार रुपये किलो

घाऊक बाजारात पालेभाज्या आणि फळभाज्यांचे दर खूपच कमी झाले आहेत. फ्लॉवर, कोबी या भाज्यांचे दर तर खूपच कमी झाले असून फ्लॉवर अवघ्या चार रुपये किलोने विकली जात असल्याने कोबी, फ्लॉवर उत्पादकांमध्ये नाराजी व्यक्त केली जात आहे.

--चौकट-

डाळींचे भाव स्थिर

किराणा बाजारामध्ये तेलाच्या भावाचा भडका उडाला असला, तरी सर्व डाळींचे भाव स्थिर आहेत. डाळींच्या भावात कोणतीही चढउतार झालेली नाही. तांदळाचे दर मात्र वाढले आहेत. सुकामेव्याची खरेदी होत असून त्याच्या भावातही फारसा फरक पडलेला नाही.

---चौकट ----

डाळिंबाला फटका

जिल्ह्यात पडलेल्या अवेळी पावसाचा डाळिंबाला चांगलाच फटका बसला असून बाजार समितीत डाळिंबाची आवक खूपच कमी झाली आहे. सध्या आरक्ता डाळिंब सहा हजार रुपये क्विंटल, तर मृदुला जास्तीतजास्त १२ हजार रुपये क्विंटलपर्यंत विकले जात आहे.

---कोट ----

जगभरात खाद्यतेलांचा तुटवडा निर्माण झाला असल्याने अनेक देशांनी खाद्यतेलाची खरेदी वाढविली आहे. यामुळे देशात खाद्यतेलाच्या किमती वाढल्या आहेत. भविष्यात त्या आणखी वाढण्याची शक्यता नाकारता येत नाही. - अनिल बुब, किराणा व्यापारी

कोट-

शेतकरी मोठ्या अपेक्षेने कोबी, फ्लॉवरचे पीक घेतात. कमी कालावधीत येणारे पीक म्हणून याकडे पाहिले जाते. मात्र, त्याच पिकांना आता कवडीमोल भाव मिळत असल्याने शेतकऱ्यांनी जगावे कसे, असा प्रश्न निर्माण झाला आहे. - दिवाकर पवार, शेतकरी

---कोट -

खाद्यतेलाने शंभरचा टप्पा पार करून त्यापुढे मजल मारली असल्याने महिन्याच्या किराण्याचे बजेट कोलमडले आहे. पालेभाज्यांनी थोडाफार हात दिला आहे. कोरोनामुळे आधीच पगार कमी झालेत, त्यात महागाईचा भडका यामुळे आता गरजेपुरतीच खरेदी करावी लागेल. - रोहिणी गाडे, गृहिणी