ठळक मुद्देप्रांतधिकारी डॉ. पंकज आशिया यांनी अनेक गावांना भेट देऊन पाहणी केली.
कळवण : तालुक्यात मुसळधार पाऊस सुरू असल्याने अनेक छोटे-मोठे तलाव व धरण साठ्यात वाढ झाल्याने व नदी-नाल्यांना पूर आल्याने प्रशासनाने सतर्कतेचा इशारा दिला आहे. रविवारी कळवणचे प्रांतधिकारी डॉ. पंकज आशिया यांनी अनेक गावांना भेट देऊन पाहणी केली.तहसीलदार बी.एस. कापसे व गटविकास अधिकारी डी.एम. बहिरम यांनी सकाळी ८ वाजेपासून सायंकाळी ६ वाजेपर्यंत चणकापूर व गिरणा नदीकाठच्या गावांना सायकलने भ्रमंती करून भेटी दिल्या व नागरिकांशी चर्चा करून सतर्कतेचे आवाहन केले. कळवण, वाडी, एकलहरे, कळमथे, पाळे, अभोणा व चणकापूर येथे भेटी देऊन पाहणी केली.