थर्मल पॉवर स्टेशन वाचविण्याचे निवेदन

महावितरणकडून कारवाई सुरू

नाशिक : आर्थिक संकटात सापडलेल्या वीजवितरण कंपनीने आता उत्पन्नवाढीचे प्रयत्न सुरू केले आहेत. त्यानुसार आता थकबाकी वसूल करण्याबरोबरच वीज चोरांकडून वसुलीची मोहीम सुरू करण्यात आली आहे. नाशिक शहर तसेच जिल्ह्यामध्ये चोरांवर कारवाई आणि दंडात्मक कारवाई केली जात आहे.

प्रेरणा सांस्कृतिक मंडळातर्फे आदरांजली

नाशिक : प्रेरणा सांस्कृतिक कला व क्रीडा मंडळाच्या वतीने महात्मा गांधी यांना पुण्यतिथीनिमित्त आदारांजलीअर्पण करण्यात आली. यावेळी राजेंद्र बागुल यांनी महात्मा गांधी यांच्या जीवनावर विचार मांडले. देशाला महात्मा गांधी यांच्या विचारांची गरज असून याच विचारांवर युवकांनी चालले पाहिजे, असे बागुल म्हणाले. यावेळी ज्ञानेश्वर काळे, वसंत मनियार, सतीश बागुल, अशोकभाई कांबळे, आफताब सय्यद, मुख्तार सय्यद आदींसह स्पर्धा परीक्षेचे विद्यार्थी उपस्थित होते. (फोटो)

जिल्हा रुग्णालय पतसंस्था कार्यालयाचे उद‌्घाटन

नाशिक : जिल्हा रुग्णालय कर्मचारी सहकारी पतसंस्था या संस्थेच्या नूतन वास्तूचे उद‌्घाटन खासदार हेमंत गोडसे यांच्या हस्ते झाले. अध्यक्षस्थानी भाऊसाहेब खताळ होते. प्रास्ताविक ज्ञानेश्वर माळोदे यांनी केले. अजित गायकवाड, चेअरमन देवीदास सहाणे यांनी संस्थेची माहिती दिली. याप्रसंगी पंकज सूर्यवंशी, प्रकाश राव, किशोर पगारे, आनंद सपकाळ, दिलीप बोढारे, वसंत कांबळे, अनंत कुलकर्णी, पूनम धनवटे, संजय ठोंबरे आदी उपस्थित होते. आभार सुनील गिते यांनी मानले.

मसापला ज्येष्ठ रंगकर्मींच्या प्रतिमा भेट

नाशिक : अखिल भारतीय मराठी नाट्य परिषद शाखेला ज्येष्ठ नाट्य समीक्षक चारुदत्त दीक्षित यांनी ज्येष्ठ रंगकर्मी दत्ता भट व बाबूराव सावंत यांच्या प्रतिमा भेट दिल्या. नाट्य परिषदेचे अध्यक्ष रवींद्र कदम, कार्यवाह सुनील ढगे यांच्याकडे या प्रतिमा सुपुर्द करण्यात आल्या. नाट्य परिषदेच्या हॉलमध्ये या छोटेखानी कार्यक्रमाचे आयोजन करण्यात आले होते. यावेळी बालरंगभूमीचे प्रमुख कार्यवाह आनंद जाधव, खजिनदार प्रतीक विसपुते, गायिका सोनल अधिकारी, सोनाली चौधरी, दीपक दीक्षित, सुधीर करंजीकर आदी उपस्थित हाेते.

नवीन रिक्षा परवाने बंदची मागणी

नाशिक : राज्य सरकारने २०१७ मध्ये नवीन मुक्त रिक्षा परवाने सुरू केले असल्याने अशाप्रकारचे परवाने देणे बंद करावे, अशी मागणी भद्रकाली ऑटो रिक्षा युनियनकडून करण्यात आली आहे. परवान्यांची संख्या मोठी झाली असून आगोदरच या व्यवसायात स्पर्धा वाढलेली आहे. खासगी प्रवासी सेवांमुळे रिक्षाचालकांना आर्थिक सामना करावा लागतो. त्यामुळे नवीन परवाने देण्यात येऊ नये, असे निवेदन मुख्यमंत्र्यांना पाठविण्यात आहे.