चांगले, सोनवणे हत्त्येच्या नियमित सुनावणीस सुरुवात

चांगले, सोनवणे हत्त्येच्या नियमित सुनावणीस सुरुवात

 

नाशिक : सराईत गुन्हेगार मोहन चांगले आणि दीपक सोनवणे ऊर्फ सफ ऱ्या या दोघांच्या हत्त्येला सव्वा वर्षाचा कालावधी उलटला असून, अतिरिक्त जिल्हा न्यायाधीश जे़ सी़ शिरसाळे यांच्या न्यायालयात सोमवारपासून या खटल्याच्या नियमित सुनावणीस सुरुवात झाली आहे़ सोमवारी घटनास्थळाचे पुरावे, मृतांचा पंचनामा, गुन्ह्यात वापरलेली गाडी या बाबी न्यायालयासमोर सादर करण्यात आल्या़ दरम्यान, या खटल्यातील चारही संशयित न्यायालयीन कोठडीत असून, एक जामिनावर आहे़
७ मे २०१३ रोजी रात्री दहा वाजेच्या सुमारास सराईत गुन्हेगार मोहन चांगले आणि दीपक सोनवणे हे दोघे गंगापूररोडवरील नवश्या गणपतीजवळील हॉटेल विसावा येथे जेवणासाठी गेले़ या ठिकाणी या दोघांवर धारदार हत्त्याराने वार करण्यात आले होते़ या दोघांना उपचारासाठी गंगापूररोडवरील सुमन हॉस्पिटलमध्ये दाखल करण्यात आल्यानंतर त्यांचा मृत्यू झाला़
या प्रकरणी रामदास चांगले याने गंगापूर पोलीस ठाण्यात दिलेल्या फि र्यादीवरून राजेंद्र वाघ, व्यंकटेश मोरे, अर्जुन पगारे, गिरीश शेट्टी, राकेश कोष्टी यांच्यावर खुनाचा गुन्हा दाखल करण्यात आला. या दुहेरी हत्त्याकांडाला सव्वा वर्षाचा कालावधी पूर्ण झाला असून, गंगापूर पोलिसांनी न्यायालयात दोषारोपपत्रही दाखल केले आहे़
या खटल्याची सुनावणी अतिरिक्त जिल्हा न्यायाधीश जे़ सी़ शिरसाळे यांच्या न्यायालयात सोमवारपासून सुरू झाली आहे़ (प्रतिनिधी)