शालिमार चौकात तरुणावर धारदार शस्त्राने वार

दोनशे रुपयांची खंडणी दिली नाही या कारणावरून तरुणावर धारदार शस्त्राने वार

नाशिक : दोनशे रुपयांची खंडणी दिली नाही या कारणावरून तरुणावर धारदार शस्त्राने वार करण्यात आल्याची घटना शुक्रवारी (दि़१९) सायंकाळच्या सुमारास शालिमार चौकातील नेपाळी कॉर्नरला घडली़
भद्रकाली पोलिसांनी दिलेल्या माहितीनुसार फिर्यादी संदीप हाबुसिंग जाधव (वय २२, कुंभारवाडा, जुने नाशिक) हा सायंकाळी साडेसात वाजेच्या सुमारास महेक कलेक्शनसमोर वस्तुविक्री करीत असताना संशयित प्रितेश बळीराम चव्हाण (रा़ काझी गढी, जुने नाशिक) याने शिवीगाळ व दमदाटी करून २०० रुपयांची मागणी केली़ पैसे देण्यास नकार दिल्याने संशयित चव्हाण याने जाधवच्या उजव्या हातावर धारदार शस्त्राने वार करून जखमी केले़
या प्रकरणी एका संशयितावर खंडणीचा गुन्हा दाखल करण्यात आला आहे़