ठळक मुद्देस्कूल चले हम : शालेय प्रशासनाकडून वर्गखोल्यांचे निर्जंतुकीकरण, आरोग्य तपासणी
गोदाकाठ भागातील सायखेडा, भेंडाळी, चाटोरी, रामनगर, पिंपळगाव निपाणी, म्हाळसाकोरे, करंजगाव, चांदोरी या गावातील माध्यमिक शाळेतील वर्ग सुरू झाले असून, पहिल्याच दिवशी मुलांनी हजेरी लावली, शालेय परिपाठ म्हणत पूर्ववत झाले. ऑक्सिजन पातळी तपासून ५० टक्के विद्यार्थी उपस्थितीनुसार संमतीपत्रके घेऊन वर्ग सुरू करण्यात आले. मुख्याध्यापक व्ही. ए. निकम यांनी सॅनिटायझर, हात धुणे, एकमेकांच्या संपर्कात कोणी येणार नाही, या सूचना देऊन ऑनलाइन, ऑफलाइन वेळापत्रकाची माहिती सांगितली. अध्ययन-अध्यापन प्रक्रिया सुरळीत चालेल, शुभेच्छा देऊन कोणी बाधित होणार नाही यासाठी विद्यार्थी, शिक्षक, शिक्षकेतर कर्मचारी यांनी काळजी घेण्याचे आवाहन मुख्याध्यापकांनी केले.