वंजारवाडी, लोहशिंगवे ग्रामस्थांचे स्वतंत्र सिंगल फेजसाठी साकडे

वंजारवाडी व लोहशिंगवे या दोन्हीही गावांना अनेक दिवसांपासून विजेचा प्रश्न भेडसावत असून, विजेच्या दैनंदिन खंडित होणाऱ्या वीजपुरवठ्यामुळे येथील विद्यार्थ्यांना ऑनलाइनप्रणालीनुसार अभ्यास करताना अनेक अडचणींचा सामना करावा लागत आहे, तसेच महिलांनादेखील पिण्याचा पाण्याचा प्रश्न निर्माण होत असून, खंडित होणाऱ्या वीज पुरवठ्यामुळे महिलांना पिण्याच्या पाण्यासाठी भटकंती करावी लागत आहे. यासारख्या अनेक अडचणींना येथील ग्रामस्थांना भर पावसाळ्यात सामना करावा लागत असून, येथील अनेक नागरिक गावाच्या जवळपास असलेल्या शेतवस्तीवर राहत असल्यामुळे येथे नेहमीच हिंस्त्रश्वापदांचा वावर असतो. यामुळे संबंधित विभागाने याकडे गांभीर्याने लक्ष देऊन या दोन्हीही गावांना स्वतंत्र २४ तास सिंगल फेज वीजपुरवठा देण्यात यावा अशी मागणी वंजारवाडी व लोहशिंगवे येथील ग्रामस्थांनी खासदार हेमंत गोडसे यांच्याकडे निवेदनाद्वारे केली आहे.

याप्रसंगी भगवान जुंद्रे, वंजारवाडीचे सरपंच ज्ञानेश्वर शिंदे, लोहशिंगवेचे सरपंच युवराज जुंद्रे, लोहशिंगवेचे माजी सरपंच संतोष जुंद्रे, ग्रामपंचायत सदस्य ज्ञानेश्वर शिंदे, माजी सरपंच भास्कर रायकर, चंद्रभान शिंदे, निवृत्ती शिंदे, बाळू शिंदे, भाऊसाहेब जैन, संपत सामोरे आदींसह ग्रामस्थ उपस्थित होते.

कोट...

‘दैनंदिन खंडित होणाऱ्या वीजपुरवठ्यामुळे येथील नागरिक मेटाकुटीला आले असून, नागरिकांना अनेक अडचणींचा सामना करावा लागत आहे. शेतवस्तीवर हिंस्त्र श्वापदांच्या भीतीमुळे दुग्ध व्यावसायिकांना अंधारातच ये-जा करावी लागत आहे. याआधी या परिसरात अनेक वेळा रात्रीच्या वेळी बिबट्याने हल्लेदेखील केले आहेत. त्यामुळे संबंधित विभागाने याकडे गांभीर्याने लक्ष देऊन या दोन्हीही गावांना २४ स्वतंत्र सिंगल फेज वीजपुरवठा देण्यात यावा.

- ज्ञानेश्वर शिंदे, सरपंच, वंजारवाडी

----------------------

फोटो- १२ गोडसे निवेदन

वंजारवाडी व लोहशिंगवे ग्रामस्थांच्या वतीने २४ तास सिंगल फेज वीजपुरवठा देण्यात यावा याबाबतचे निवेदन खासदार हेमंत गोडसे यांना देताना सरपंच ज्ञानेश्वर शिंदे. समवेत लोहशिंगवेचे माजी सरपंच संतोष जुंद्रे व इतर.

120921\12nsk_23_12092021_13.jpg

फोटो- १२ गोडसे निवेदन