‘त्या’ तोतया कर्मचायांच्या आवळल्या मुसक्या

वीजमीटर रिडिंग व जनगणनेचा बहाणा करून महापालिका व महावितरण कंपनीचे कर्मचारी असल्याची बतावणी करत सहजरीत्या घरामध्ये प्रवेश करून दागिन्यांची लूट करणाºया त्या दोघा लुटारूंच्या मुसक्या बांधण्यास गुन्हे शाखा युनिट-२च्या पथकाला यश आले आहे. दोघा भामट्यांकडून सुमारे तीन लाख ९६ हजार ५०० रुपयांचे सोन्याचे दागिने पोलिसांनी हस्तगत केले आहे.

ठळक मुद्देतिसरा डोळा ठरला कर्दनकाळतीन दिवसांचा ठोकला तळमुख्य संशयित आरोपीची रुग्णालयवारी

नाशिक : वीजमीटर रिडिंग व जनगणनेचा बहाणा करून महापालिका व महावितरण कंपनीचे कर्मचारी असल्याची बतावणी करत सहजरीत्या घरामध्ये प्रवेश करून दागिन्यांची लूट करणाºया त्या दोघा लुटारूंच्या मुसक्या बांधण्यास गुन्हे शाखा युनिट-२च्या पथकाला यश आले आहे. दोघा भामट्यांकडून सुमारे तीन लाख ९६ हजार ५०० रुपयांचे सोन्याचे दागिने पोलिसांनी हस्तगत केले आहे.  याबाबत पोलिसांनी दिलेली माहिती अशी, आठवडाभरापूर्वी पंचवटी, म्हसरूळ, उपनगर परिसरातील दोघा लुटारूंनी जनगणना विभाग, महावितरणचे कर्मचारी असल्याचे सांगून वीज बिल भरणा, वायरिंग तपासणीची कारणे दाखवत घरांमध्ये प्रवेश मिळवून घरातील वृद्ध महिलांना विविध प्रश्नांमध्ये गुरफटून ठेवत त्यांच्या अंगावरील दागिने काढण्यास दोघे प्रवृत्त करत होते. यासाठी हे दोघे भामटे तुळशीची पाने, पाणी हातात ठेवून काही मंत्रजाप करत आजारपण दूर करण्याच्या भुलथापाही देत होते. यावेळी वृद्ध महिलांनी दागिने काढून ठेवल्यास नजर चुकवून ते दागिने घेत घरातून पोबारा करत होते. याबाबत वरील उपनगरीय भागांमध्ये लागोपाठ अशाच पद्धतीने दागिने लुटल्याच्या घटना घडल्याने नागरिक धास्तावले होते. अशाच एका भागात अपार्टमेंटच्या परिसरात दोघे भामटे पोहचले असता, त्यांचे चेहरे तिसºया डोळ्याने टिपले. सीसीटीव्ही फुटेजच्या आधारे दुचाकीवरून आलेल्या दोघा भामट्यांचा पोलिसांनी शोध सुरू केला. दरम्यान, फुटेजमधील संशयित श्रीरामपूरमधील असल्याची माहिती गुन्हे शाखेचे पोलीस नाईक संजय ताजणे यांना मिळाली. त्यांनी याप्रकरणी वरिष्ठ अधिकाºयांना माहिती देत पोलीस निरीक्षक नीलेश माईनकर, उपनिरीक्षक रवींद्र सहारे, नितीन भालेराव, परमेश्वर दराडे, मधुकर साबळे यांचे पथक श्रीरामपूरच्या दिशेने मार्गस्थ झाले.तिसरा डोळा ठरला कर्दनकाळऔरंगाबादमधील वैजापूर पोलीस ठाण्यात यांच्यावर चार ते पाच गुन्हे दाखल आहेत. महसूलचे कर्मचारी असल्याची बतावणी करत त्यांनी तेथे लूट केली होती. पंचवटी परिसरातील सीसीटीव्ही कॅमेºयामध्ये कैद झालेले हे भामटे श्रीरामपूरमधील सधन कुटुंबातील आहे. श्रीरामपूरपासून पाच किलोमीटर अंतरावर असलेल्या पडेगावमध्ये लाड याचा बंगला असून, लुटीमधील सोने त्याने बंगल्यात दडवून ठेवले होते. मागील चार दिवसांपासून गुन्हे शाखेचे देवडे व त्यांचे पथक मुद्देमाल हस्तगत करण्याच्या प्रयत्नात होते. पोलिसांनी सोन्याच्या बांगड्या, अंगठ्या, कर्णफुले गुन्ह्यात वापरलेली दुचाकी बजाज सीटी-१०० (एम.एच. १७ बी.डब्लू. ९०९६) जप्त केली आहे.तीन दिवसांचा ठोकला तळगुन्हे शाखेचे सहायक आयुक्त अशोक नखाते यांच्या मार्गदर्शनाखाली पथक श्रीरामपूर भागात तीन दिवस तळ ठोकून होते. श्रीरामपूर तालुक्यात शोधमोहीम राबविताना नखाते यांनी दिलेल्या निर्देशानुसार पथकाने संशयास्पद ठिकाणी चाचपणी सुरू केली. यावेळी बेलापूर रस्त्यावरून पडेगाव येथून शंकर रामदास लाड याला ताब्यात घेण्यास पथकाला यश आले. त्यानंतर बोंबले वस्ती टिळकनगर, श्रीरामपूरमधून साथीदार संतोष एकनाथ वायकर यास अटक केली. यांनी उपनगर, पंचवटी परिसरांत गुन्हे केल्याची कबुली दिली आहे. पुढील तपास सहायक पोलीस निरीक्षक गंगाधर देवडे करीत आहेत.मुख्य संशयित आरोपीची रुग्णालयवारीया गुन्ह्यातील मुख्य सूत्रधार असलेला लाड हा उच्च रक्तदाबाचा रुग्ण असल्यामुळे गुन्हे शाखेच्या तपास पथकाने त्याला ताब्यात घेतल्यापासून रुग्णालयवारी घडवावी लागली. कारण उच्च रक्तदाबामुळे त्याची प्रकृती खालावली होती. प्रथम बिटको रुग्णालय व तेथून जिल्हा शासकीय रुग्णालयाच्या अतिदक्षता विभागात त्याला उपचारार्थ दाखल करण्यात आले होते. सूत्रधार लाड असल्यामुळे लुटीमधील दागिने हस्तगत करण्यासाठी त्याची प्रकृती सुधारण्याची पोलिसांना प्रतीक्षा करावी लागली. चार दिवसांच्या पोलीस कोठडीत त्याने गुन्ह्याची कबुली देत दागिन्यांचा पत्ता सांगितला. पोलिसांना मुद्देमाल हस्तगत करण्यास यश आले असून, दोघा भामट्यांनी पोलीस कोठडी संपल्यानंतर न्यायलीन कोठडीत रवानगी करण्यात आली आहे.