दोन महिन्यांपासून रस्ता खोदलेलाच !

गेल्या महिन्याभरापासून शहरात ठिकठिकाणी गॅस पाइपलाइनसाठी रस्त्याच्या कडेला खोदकाम सुरू आहे. सातपूर-अंबड लिंकरोडवरील खोदकामासाठी वाहतूक वळविण्यात येत असून, कोणतीही खबरदारी घेतली जात नाही. त्यामुळे गेल्या महिन्याभरात झालेल्या अपघातात दोघांचा हकनाक बळी गेला आहे. शिवाय नियोजन नसल्याने वारंवार रस्ता खोदण्यात येत आहे. हे काम अतिशय धीम्यागतीने सुरू असल्याने वाहतुकीला मोठा अडथळा निर्माण होत आहे. शिवाय रस्त्याच्या कडेला असलेल्या नागरिकांना आणि व्यावसायिकांना मोठ्या प्रमाणात अडचणींचा सामना करावा लागत आहे. अनेकांना महिन्याभरापासून आपले व्यवसाय बंद ठेवावे लागत आहे. हे खोदकाम लवकरात लवकर पूर्ण करून दिलासा द्यावा, अशी मागणी माजी सैनिक संघटनेचे जिल्हाध्यक्ष फुलचंद पाटील, बद्री आलम, डॉ. विजय सिन्हा, विधाते, वशिष्ठ शर्मा, रणजित सिंग आदींसह नागरिकांनी केली आहे.

(फोटो १० रोड)