लाचखोरीत महसूल अन‌् पोलीस खात्याची आघाडी

नाशिक : महसूल व पोलीस खात्यात लाचखोरीचे प्रमाण अधिक असल्याचे आकडेवारीवरून अनेकदा समोर येते. या दोन्ही खात्यांची लाचखोरीत आघाडी असल्याचे दिसून येते. मागील वर्षी जिल्ह्यात नऊ पोलीस लाच स्वीकारताना लाचलुचपत प्रतिबंधक विभागाच्या जाळ्यात अडकले तसेच यावर्षीही सातपूर पोलीस ठाण्यातील तीन लाचखोर पोलिसांना पथकाने रंगेहाथ ताब्यात घेतले. महसूल खात्यात सात लाचखोरांना कारवाईला सामोरे जावे लागले होते.

सरकारी कार्यालयांमध्ये सर्वसामान्यांची विविध कामांसाठी अडवणूक करत लोकसेवकांकडून सर्रासपणे लाच मागण्याचे प्रमाण अद्यापही कमी झालेले दिसून येत नाही. उत्तर महाराष्ट्रात या वर्षभरात तब्बल १३३ लाचखोर लोकसेवक लाचलुचपत प्रतिबंधक विभागाच्या सापळ्यात अडकले आहेत. यामध्ये नाशिक जिल्ह्यात ९ पोलीस, तर संपूर्ण नाशिक परिक्षेत्रात एकूण २४ पोलिसांना विविध कारणांवरून तक्रारदारांकडे लाचेची मागणी करत रक्कम स्वीकारल्याप्रकरणी लाचलुचपत प्रतिबंधक विभागाने ताब्यात घेतले. तसेच नाशिक परिक्षेत्रात महसूल खात्यातील एकूण २६ कर्मचारी लाचेची रक्कम घेताना सापडले. या दोन खात्यांत सर्वाधिक ट्रॅप लागतात तरीदेखील या खात्यांमध्ये लाच मागण्याचे प्रमाण कमी होत नसल्याने तीव्र नाराजी व्यक्त होत आहे.

---इन्फो--

जिल्हानिहाय सापळा कारवाई अशी....

जिल्हे - २०१८ - २०१९ २०२०

नाशिक - २६ - २९ - २७

अहमदनगर - २७ -- ३२ - ३२

धुळे - २१ -- २१ - १३

नंदूरबार - ११ --- १० - ०८

जळगाव - ३० ---- ३१- २०

------------------------------------------------------------------

एकुण - ११५ ---- १२३ - १००

----इन्फो----

तृतीय श्रेणीतील कर्मचाऱ्यांचे प्रमाण अधिक

नाशिक परिक्षेत्रातील नाशिक, अहमदनगर, धुळे, नंदुरबार, जळगाव या पाच जिल्ह्यांमध्ये २०२० साली जाळ्यात अडकलेल्या लाचखोर लोकसेवकांमध्ये तृतीय श्रेणीतील कर्मचाऱ्यांचे प्रमाण अधिक राहिल्याचे दिसून येते. या पाच जिल्ह्यांत मिळून सुमारे ७६ तृतीय श्रेणीचे कर्मचारी लाच स्वीकारताना सापळ्यात अडकले आहेत. तसेच प्रथम श्रेणीतील ९, अधिकारी द्वितीय श्रेणीतील १३, तर चतुर्थ श्रेणीतील ३ कर्मचारी लाचेची रक्कम घेताना रंगेहाथ पकडले गेले.

----

-इन्फो--

परिक्षेत्रनिहाय यशस्वी सापळे

मुंबई- २१, पुणे- १३४, ठाणे- ४३, औरंगाबाद- ८८,नाशिक- १००, नागपूर- ७१, अमरावती- ७८, नांदेड- ६७-इन्फो--

----

--कोट---

कोरोनाचा प्रादुर्भाव व लॉकडाऊनचा परिणाम भ्रष्टाचाराच्या तक्रारींवर गेल्यावर्षी झालेला दिसतो, तरीही शंभर सापळे नाशिक परिक्षेत्रात यशस्वी करण्यास विभागाला यश आले. गेल्यावर्षी नाशिक युनिटने कृषी खात्यातील वर्ग- १, प्रदूषण मंडळातील वर्ग- १ व २, गृह खात्याशी संबंधित वर्ग- १च्या अधिकाऱ्यांना लाचेची रक्कम घेताना रंगेहाथ पकडले. परिक्षेत्रात झालेल्या एकूण कारवाईत महसूल खात्यासोबत पोलीस खात्यातील लाचखोरीचे प्रमाण अधिक राहिल्याचे दिसते.

- सुनील कडासने, पोलीस अधीक्षक, लाचलुचपत प्रतिबंधक विभाग

---

२२ब्राईब नावाने फोटो सेव्ह आहे आर वर

डमी फॉरमेट आर वर २२ गव्हर्नमेंट ऑफिसर नावाने सेव्ह आहे.