आदिवासी वधू-वर मेळाव्यास प्रतिसाद

कारखाना सुरू करण्याची मागणी

नाशिक: निफाड तालुक्यातील रानवड साखर कारखाना लवकरात लवकर सुरू करावा, अशी मागणी गोंडेगाव येथील ऊस उत्पादक शेतकरी जगन्नाथ दौलत दाते यांनी केली आहे. बनकर पतसंस्था किंवा पिंपळगाव बाजार समिती यापैकी एका संस्थेचा कारखाना सुरू करण्यासाठी पुढाकार घेण्याची मागणी दाते यांनी केली आहे

मंगळसूत्र चोरीचे सत्र पुन्हा सुरू

नाशिक: रस्त्याने पायी जाणाऱ्या महिलांच्या गळ्यातील मंगळसूत्र खेचण्याचे प्रकार वाढले आहेत. शहर परिसरा गेल्या काही दिवसात महिलांचे मंगळसूत्र ओरबाडण्याच्या घटना घडल्या असल्याने महिला वर्गाने दुचाकीस्वार अज्ञातांचा धसका घेतला आहे. बाजारपेठेतून गर्दीच्या ठिकाणाहून मंगळसूत्र चोरीस जात असल्याचे चिंता व्यक्त केली जात आहे.

टाकळी मार्गावरील दुर्गंधीचा त्रास

नाशिक: आयनॉक्स सिनेमा सिग्नल चौकातून टाकळीकडे जाणाऱ्या मार्गावर असलेल्या मलमूत्र वाहून नेणाऱ्या नाल्यातून दुर्गंधी पसरली आहे. याचा त्रास परिसरातील नागरिकांना होत आहे. या मार्गावर रस्त्याच्या दोन्ही बाजूने नागरी वसाहती वाढल्या आहेत. या नागरिकांना दुर्गंधीयुक्त नालीचा त्रास सहन करावा लागत आहे.

सय्यदपिंप्री येथील मैदानावर सामने

नाशिक: नाशिक जिल्हा क्रिकेट असोसएशनच्यावतीने आयेाजित हकीम मर्चंट क्रिकेट स्पर्धेचे आयोजन सय्यद पिंप्री येथील मैदानावरदेखील करण्यात आल्याने येधील नागरिकांना क्रिकेटचे सामने पाहाण्याची संधी उपलब्ध झाली आहे. या ठिकाणी आंतरराष्ट्रीय क्रिकेटच्या धर्तीवर मैदान तयार करण्यात आले असून सामने पाहण्यासाठी स्थानिकांकडून प्रतिसाद मिळत आहे.

निमाणी बसस्थानकात खड्डेच खड्डे

पंचवटी : पंचवटी येथील निमाणी बसस्थानकात खड्डे पडले असून त्यामुळे बसेसचे नुकसान होत आहे. स्थानकात अनेक ठिकाणी खड्डे पडलेले असून खड्डे बुजविण्याची आवश्यकता आहे. सध्या पूर्ण क्षमतेने बसेस सुरू नसल्याने खड्डे बुजविण्याची मोहीम सुरू करण्याची गरज आहे. मात्र त्याकडे दुर्लक्ष झाल्याचे दिसते.

रेजिमेंटल समोरील मार्गावर वाहतूक कोंडी

बिटको : नाशिक रोडममधील मध्यवर्ती ठिकाण असलेले रेजिमेंटल चौकात नेहमीच वाहतूक कोंडी होत आहे. या ठिकाणी रस्त्यापर्यंत वाहन पार्किंग केले जात असल्याने अन्य वाहनधारकांना अडचण होते. गायकवाड मळा रस्त्यावरही अशीच परिस्थिती आहे. या मार्गावरही वाहनांचे अनधिकृत पार्किंग केले जात आहे.