रुग्णांच्या नातेवाइकांनी रेमडेसिविरचा हट्ट टाळावा

जिल्हाधिकारी मांढरे यांनी सिन्नर तहसील कार्यालयाच्या दालनात महसूल, आरोग्य, पोलीस व पंचायत समिती अधिकाऱ्यांची बैठक घेऊन शहर व तालुक्यातील कोविड रुग्णांची परिस्थिती जाणून घेतली. रेमडेसिविर इंजेक्शन, ऑक्सिजनचा पुरवठा व वितरण आणि एकूणच परिस्थितीचा आढावा घेत सर्व विभागाच्या अधिकाऱ्यांना त्यांनी सूचना दिल्या. रेमडेसिविर इंजेक्शन व ऑक्सिजनची गरज पाहूनच त्याचा वापर करावा, असे मांढरे यांनी सांगितले. आढावा बैठकीस सिन्नरच्या उपविभागीय अधिकारी पूजा गायकवाड, तहसीलदार राहुल कोताडे, गटविकास अधिकारी मधुकर मुरकुटे, नायब तहसीलदार दत्तात्रय जाधव, सिन्नर ग्रामीण रुग्णालयाच्या वैद्यकीय अधिकारी डॉ. वर्षा लहाडे, सिन्नरचे पोलीस निरीक्षक संतोष मुटकुळे, एमआयडीसी पोलीस ठाण्याचे निरीक्षक दशरथ चौधरी, नगर परिषदेचे उपमुख्याधिकारी रोहित पगार यांच्यासह आरोग्य, महसूल, पंचायत समितीचे अधिकारी उपस्थित होते.

इन्फो

कोविड सेंटरला भेट

आढावा बैठकीनंतर जिल्हाधिकारी मांढरे यांनी सिन्नर ग्रामीण रुग्णालयाच्या कोविड सेंटरला भेट देऊन विविध सूचना दिल्या. रेमडेसिविर इंजेक्शन, ऑक्सिजन पुरवठा, स्वच्छता आदींसह विविध बाबींची माहिती त्यांनी वैद्यकीय अधीक्षक डॉ. वर्षा लहाडे यांच्याकडून घेत रुग्ण व नातेवाइकांची गैरसोय दूर होण्यासाठी सूचना केल्या.

त्यानंतर परमसाई खासगी कोविड सेंटरला भेट देऊन तेथील माहिती जाणून घेतली. माळेगाव येथील ऑक्सिजन प्लांटला भेट देऊन पाहणी केली.

फोटो - ०४ सिन्नर कलेक्टर

सिन्नर येथील कोविड सेंटरला भेट दिल्यानंतर चर्चा करताना जिल्हाधिकारी सूरज मांढरे. समवेत उपविभागीय अधिकारी पूजा गायकवाड, तहसीलदार राहुल कोताडे, डॉ. वर्षा लहाडे आदी.

===Photopath===

040521\04nsk_46_04052021_13.jpg

===Caption===

 फोटो - ०४ सिन्नर कलेक्टर सिन्नर येथील कोविड सेंटरला भेट दिल्यानंतर चर्चा करताना जिल्हाधिकारी सूरज मांढरे. समवेत उपविभागीय अधिकारी पूजा गायकवाड, तहसीलदार राहुल कोताडे, डॉ. वर्षा लहाडे आदि.