छावा जिल्हाध्यक्षावर खंडणीचा गुन्हा

छावा जिल्हाध्यक्षावर खंडणीचा गुन्हा

नाशिक : गंगापूररोड येथील डोंगरे वसतिगृह मैदानावर सुरू असलेल्या सहारा हस्तकला व शिल्पकला प्रदर्शनाच्या संचालकाकडे दोन लाखांची खंडणी मागितल्याप्रकरणी छावा संघटनेचे जिल्हाध्यक्ष करण गायकर व त्यांच्या दोन साथीदारांविरुद्ध सरकारवाडा पोलीस ठाण्यात खंडणीचा गुन्हा दाखल करण्यात आला आहे़
सरकारवाडा पोलिसांनी दिलेल्या माहितीनुसार, गेल्या काही दिवसांपासून डोंगरे वसतिगृह मैदानावर सहारा आर्ट अ‍ॅण्ड क्राफ्टचे प्रदर्शन व विक्री सुरू आहे़ सदर प्रदर्शनात गृहोपयोगी तथा सजावटीच्या वस्तूंचे विविध स्टॉल्स मांडण्यात आले आहेत. छावा संघटनेचे जिल्हाध्यक्ष करण गायकर व त्यांचे दोन साथीदार २२ ते २८ जून या कालावधीत प्रदर्शनाचे संचालक रिझवान अहमद खान (४१, खान हाऊस, विक्रोळी, पश्चिम मुंबई) यांच्याकडे गेले़ त्यांनी दोन लाख रुपयांची खंडणी मागितली़ (प्रतिनिधी)