ठळक मुद्देकपाटे फोडून चोरट्यांनी दागिने , रोकड लांबविली.
नाशिक : शहरातीलपंचवटी पोलीस ठाणे हद्दीत माला हरीश तलरेजा यांचे बंद घर अज्ञात चोरट्यांनी फोडून सुमारे १ लाख ३५ हजारांचे दागिने लंपास केल्याचे उघडकीस आले आहे. यामध्ये १ तोळे वजनाची सोन्याची अंगठी, ५ ग्रॅमचे कर्णफुले, एक लाख १० हजारांची रोकड समावेश आहे. घरात कोणी नसताना अज्ञात चोरट्याने त्यांच्या बंद घराचे कुलूप उघडून आतमध्ये प्रवेश केला. बेडरूममध्ये असलेल्या लोखंडी व लाकडी कपाटे फोडून चोरट्यांनी दागिने , रोकड लांबविली. याप्रकरणी पोलीस ठाण्यात अज्ञात चोरट्याविरुद्ध घरफोडीचा गुन्हा दाखल करण्यात आला आहे.