नाशिकरोड : मध्यवर्ती कारागृहात खुनाच्या आरोपाखाली जन्मठेपेची शिक्षा भोगत असलेल्या कैद्याने खिडकीच्या गजाला फाडलेली चादर बांधून गळफास घेऊन आत्महत्या करण्याचा प्रयत्न केला.
नाशिक रोड मध्यवर्ती कारागृह गेल्या काही महिन्यापासून खुनाच्या आरोपाखाली जन्मठेपेची शिक्षा भोगत असलेला कैदी सुनील भानुदास बोरसे 40 हा गेल्या काही दिवसापासून कंटाळला होता. परिणामी मंगळवारी सकाळी दहा वाजेच्या सुमारास सुनील याने कारागृहातील मंडल क्रमांक मधील बॅरेक क्रमांक पाच च्या जिन्याने वर शौचालयाच्या छतावर जाऊन चादर फाडून त्याची दोरी बनवून खिडकीच्या गजाला बांधुन गळफास घेऊन आत्महत्या करण्याचा प्रयत्न केला. यावेळी त्याठिकाणी असलेल्या कैद्यांच्या तत्काळ सदर घटना लक्षात येताच त्यांनी घटनास्थळी धाव घेऊन लटकलेल्या सुनील बोरसे याला पकडून धरत कैद्यांनी खिडकीच्या गजाला बांधलेली सादर तत्काळ खोलली. त्यामुळे सुनील फास बसल्याने त्याला श्वास घेणे त्रासाचे होऊ लागले. सदर घटना कारागृहाचे अधिकारी व कर्मचारी यांना समजतात त्यांनी घटनास्थळी धाव घेऊन अस्वस्थ व जखमी सुनील याला तातडीने जिल्हा रुग्णालयात उपचाराकरिता दाखल केले. कैद्यांच्या जागृकपणामुळे सुनीलचा आत्महत्येचा प्रयत्न यशस्वी झाला. याबाबत कारागृहाचे कर्मचारी शेख युनूस सांडू यांनी नाशिकरोड पोलीस ठाण्यात दिलेल्या फिर्यादीवरून गुन्हा दाखल करण्यात आला आहे.