पाढे पाठांतर स्पर्धेत प्रांजल पाटीलचे यश

इंदिरानगर बोगद्याजवळ वाहतूक कोंडी

नाशिक : महामार्गावरील इंदिरानगर बोगद्याजवळ सायंकाळच्या सुमारास नेहमीच वाहतूक कोंडी होत आहे. विशेषत: शनिवार आणि रविवारी सुटीच्या दिवशी मोठ्या प्रमाणात वाहनांच्या रांगा लागतात. त्यामुळे सर्व्हिस रोडवर वाहतूक कोंडी होत आहे. सिडकोतून येणाऱ्या वाहनांमुळे अधिक कोंडी होत आहे.

रस्ता खोदकामामुळे अडथळा

नाशिक : जिल्हा परिषद समोरील रस्त्यावर खोदकाम करण्यात आल्याने वाहतुकीचा खोळंबा होत आहे. गेल्या काही दिवसांपासून या मार्गावर खोदकाम करण्यात आल्यामुळे माती,त सेच बॅरिकेटस रस्त्यावर असल्याने या मार्गाने हेाणाऱ्या वाहतुकीला अडथळा निर्माण होत आहे.

भद्रकालीतील गर्दीत कोरेाना स्प्रेडर्स

नाशिक : शहरातील अत्यंत गजबजलेल्या भद्रकाली मार्गावर नागरिक अजूनही विनामास्क फिरत असल्याचे चित्र आहे. अत्यंत दाट अशी ही बाजारपेठ असून, शहरातील अनेक भागातील लोक या ठिकाणी खरेदीसाठी येत असतात. बाजारपेठेतील प्रमुख रस्ता असल्याने येथून सातत्याने वर्दळ सुरू राहते. नेहमी गर्दी असलेल्या या मार्गावर मास्क वापरला जात नसल्याचे दिसते.

रात्रीच्या सुमारास दुचाकी सुसाट

नाशिक : त्र्यंबकनाका सिग्नल ते गडकरी चौक, जिल्हा परिषद रस्ता ते गंजमाळ सिग्नल, तसेच टिळकवाडी ते तरणतलाव सिग्नल या मार्गावर रात्रीच्या सुमारास सुसाट वेगाने दुचाकी, चारचाकी वाहने चालविणाऱ्यांमुळे धोका वाढला आहे. रात्रीच्या सुमारास दुचाकीवर ट्रिपलसीट बसणारे तरुण आरडाओरड करीत दहशत निर्माण करीत असल्याने संबंधितांवर कारवाईची मागणी होत आहे.

तारवाला सिग्नल चौकात उल्लंघन

नाशिक : दिंडोरीरो डवरील तारवालानगर येथील सिग्नल नियमांचे पालन होत नसल्याने अपघाताचा धोका निर्माण झाला आहे. म्हसरूळकडून येणारे वाहनधारक पंचवटीकडून जातांना नियामांचे उल्लंघन करीत रस्ता कटिंग करीत असतात. त्यामुळे समोरून येणाऱ्या वाहनांचा अपघात होण्याची शक्यता आहे.