सिडकोतील जुगार अड्ड्यावर पोलिसांचा छापा

सिडकोच्या दत्त चौकातील मटण मार्केटजवळ सुरू असलेल्या जुगार अड्ड्यावर मध्यवर्ती गुन्हे शाखेने मंगळवारी (दि़२१) दुपारी छापा टाकला़

नाशिक : सिडकोच्या दत्त चौकातील मटण मार्केटजवळ सुरू असलेल्या जुगार अड्ड्यावर मध्यवर्ती गुन्हे शाखेने मंगळवारी (दि़२१) दुपारी छापा टाकला़ यावेळी जुगार खेळणाऱ्या तीन संशयितांना ताब्यात घेण्यात आले असून, त्यांच्याकडून रोख रक्कम व जुगाराचे साहित्य जप्त करण्यात आले आहे़मटण मार्केटजवळील शांताई निवासाच्या गाळ्यात जुगार सुरू असल्याची माहिती गुन्हे शाखेला मिळाली होती़ त्यानुसार दुपारी सव्वादोन वाजेच्या सुमारास छापा टाकला असता संशयित यशवंत दाताळ (रा. चुंचाळे शिवार, अंबड), संतोष कुकरेजा (रा. काठे गल्ली) व चेतन पाटील (रा. भद्रकाली) हे टाइम बाजार नावाचा जुगार खेळत होते़ पोलिसांनी या तिघांकडून दोन हजार ३५० रुपये रोख व जुगाराचे साहित्य जप्त केले आहे़ या तिघाही संशयितांवर पोलीस ठाण्यात जुगार कायद्यान्वये गुन्हा दाखल करण्यात आला आहे़घरफोडीमध्ये दागिन्यांची चोरीनाशिक : घराच्या खिडकीचे गज वाकवून चोरट्यांनी सोन्या-चांदीचे दागिने व गृहोपयोगी वस्तू चोरून नेल्याची घटना नाशिकरोडच्या जयभवानीरोड परिसरात घडली आहे़  जाचकनगरमधील साहिल भालेराव यांनी पोलिसांत दिलेल्या फिर्यादीनुसार १८ व १९ आॅगस्ट रोजी चोरट्यांनी त्यांच्या घराच्या खिडकीचे गज वाकवून घरात प्रवेश केला़ तसेच घरातील १५ हजार रुपये किमतीची साडेबारा ग्रॅम वजनाची सोन्याची अंगठी, पंधरा हजार रुपयांची रोकड, सेट टॉप बॉक्स, सीसीटीव्ही कॅमेºयांचा डीव्हीआर असा ३३ हजार रुपयांचा मुद्देमाल चोरून नेला़ या प्रकरणी उपनगर पोलीस ठाण्यात घरफोडीचा गुन्हा दाखल करण्यात आला आहे़