हाणामारी करणाऱ्यांकडून पोलीस अधिकाऱ्यांना धक्काबुक्की

तिडके कॉलनी परिसरात होळीचा सण साजरा होत असताना दोघा तरुणांनी आपआपसांत भांडण करुन एकमेकांना हाणामारी करण्यास सुरूवात केली.

नाशिक : तिडके कॉलनी परिसरात होळीचा सण साजरा होत असताना दोघा तरुणांनी आपआपसांत भांडण करुन एकमेकांना हाणामारी करण्यास सुरूवात केली. या हाणामारीचे पर्यावसण मोठ्या घटनेत होऊ नये, म्हणून हस्तक्षेप करणाऱ्या पोलीस अधिकाऱ्यांना या तरुणांनी धक्काबुक्की केल्याची घटना उघडकीस आली आहे.
तिडके क ॉलनी परिसरात भांडण करत दहशत माजविण्याचा प्रयत्न सणासुदीला करत असल्याची बाब मुंबई नाका पोलीस ठाण्याचे वरिष्ठ पोलीस निरिक्षक सुरेंद्र सोनवणे, सहाय्यक पोलीस निरिक्षक शिंदे व कर्मचारी तत्काळ घटनास्थळी दाखल झाले. यावेळी भांडण करणाऱ्यांना रोखण्याचा प्रयत्न पोलीस अधिकाऱ्यांनी केला असता संशयित जालिंदर गिडगे (२७, आडगाव), योगेश पाटील (२३, तिडके कॉलनी) यांनी पोलीस अधिकाऱ्यांना शिवीगाळ करीत धक्काबुक्की करुन बाजूला लोटण्याचा प्रयत्न केला. तसेच ‘पोलीस माझे काहीही करु शकत नाही’ असा दम भरला. पोलीस शिपाई सचिन करंजे यांच्या फिर्यादीवरुन दोघा संशयितांविरुध्द गुन्हा दाखल करण्यात आला आहे. याबाबत अधिक तपास शिंदे करीत आहेत.