पेपरलेस संकेतस्थळ शिक्षकांना उपयुक्त ठरावे

दाभाडी - शिक्षकांचे अशैक्षणिक कामे कमी व्हावी. शालेय कामकाजात अध्यापनासाठी पूर्ण वेळ मिळाला. यासाठी दैनंदिन काम पेपरलेस व्हावे यासाठी शिक्षण विभागाचे संकेतस्थळ उपयुक्त ठरावे असे प्रतिपादन पंचायत समितीच्या सभापती सुवर्णा देसाई यांनी केले. शिक्षण विभागातर्फे संकेतस्थळाच्या उद्घाटन प्रसंगी त्या बोलत होत्या. यावेळी पंचायत समिती सदस्य अरूण पाटील, कमळाबाई मोरे, शंकर बोरसे, गटविकास अधिकारी जितेंद्र देवरे, गटशिक्षणाधिकारी दिलीप गायकवाड उपस्थित होते.

देसाई म्हणाल्या की, हायटेक प्रणाली असताना कागद काम वाढत असल्याने या संकेतस्थळावर मोबाईलवर माहिती देणे सोपे होणार असल्याचे सांगितले. या संकेतस्थळावर तालुक्यातील शिक्षकांनी राबवलेले नवोपक्रम, प्रशासनाची माहिती उपलब्ध असून मुख्याध्यापक लॉगिन वरून केंद्रप्रमुखांच्या लॉगिनवर माहिती जाते. केंद्रप्रमुखांनी या माहितीची पडताळणी केल्यावर गटशिक्षणाधिकारी यांच्या लॉगिनला पाठवता येणार आहे. यामुळे कामकाजात सुटसुटीपणा येणार आहे. तंत्रस्नेही शिक्षक शेखर ठाकूर व संदीप ठोके यांनी वेबसाईटची संरचना करून विकसित केली आहे. www.edupsmalegaon.in हे या वेबसाईटचे संकेतस्थळ आहे. यावेळी विस्तार अधिकारी साहेबराव निकम, आत्माराम अहिरे, नजीर पटेल, केंद्रप्रमुख निंबा निकम, साहेबराव बच्छाव, शिवाजी गुंजाळ, दिलीप जावरे, मोठाभाऊ निकम, शोभा हिरे, सुनंदा पवार उपस्थित होते.