Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

लोकमत न्यूज नेटवर्कयेवला : नाशिक-औरंगाबाद महामार्ग अडवून मुखेड फाटा येथे तासभर रास्ता रोको करत शेतकऱ्यांनी आंदोलन केले. महाराष्ट्र बंदला प्रतिसाद देत कडकडीत बंद पाळण्यात आला. मानोरी येथील वारकरी संप्रदायाच्या भजनी मंडळाने भजन म्हणत रस्त्यावर ठिय्या देत सरकारचा निषेध केला. रस्त्यावरून जाणाऱ्या वाहनांना अडवण्यात येऊन शेतमालाची वाहतूक होत नाही ना याची तपासणी करण्यात आली. यासाठी तरुण शेतकऱ्यांनी पुढाकार घेतला होता.सोमवारी सकाळी साडेसात वाजता मुखेड फाट्यावर महामार्ग अडविण्यात आला. परिसरातील मुखेड, मुखेड फाटा, मानोरी, देशमाने, जऊळके, जळगाव नेऊर आदी गावांतील शेतकरी रस्त्यावर उतरल्याने गर्दी वाढत होती. जशी गर्दी वाढत होती तसा शेतकऱ्यांच्या भाषणांनी जोर धरला. त्यामुळे पोलीस यंत्रणा हतबल झाली होती. तब्बल तासाभरानंतर जमावाला पांगविण्यासाठी पोलीस निरीक्षक बाळासाहेब भापकर व सहायक पोलीस उपनिरीक्षक तांदळकर यांच्या नेतृत्वाखाली पोलीस यंत्रणेने प्रयत्न केला.रास्ता रोको करण्यासाठी मुखेडला बाळासाहेब अहेर, भगवान जाधव, रवींद्र अहेर, कल्याणराव अहेर, सोमनाथ अहेर, दीपक मोगल, विजय अहेर, रवींद्र दराडे, विलास अहेर, महेश अनर्थे यांच्यासह कार्यकर्ते मोठ्या संख्येने आंदोलनात उतरले होते. येथे शासनाच्या विरोधात घोषणा देण्यात येऊन शासनाचा निषेध करण्यात आला.रास्ता रोको आंदोलनात जिल्हा परिषदसदस्य संजय बनकर, दिनकर तिपायले, सदाभाऊ शेळके, शंकर चिने, योगेश गांगुर्डे, संजय जाचक, सौरभ तिपायले, सुरेश दुघड, आप्पासाहेब शेळके, बाबूराव शेळके, मच्छिंद्र वावधाने, राजू शेळके, संतोष अहेर, विलास शेळके, दिगंबर तिपायले, सुनील शेळके, राहुल शेळके, गोकुळ शेळके, विजू शेळके यांच्यासह शेतकरी मोठ्या संख्येने सामील झाले होते.

Nashik (Marathi News)

दिंडोरी : शेतकरी किसान क्रांतीच्या वतीने पुकारलेल्या बंदला दिंडोरी तालुक्यात शंभर टक्के प्रतिसाद मिळाला. ...