Nashik News | Latest Nashik News in Marathi | Nashik Local News Updates | ताज्यबातम्या नाशिक | नाशिक समाचार | Nashik Newspaper

त्र्यंबकेश्वर : संतश्रेष्ठ निवृत्तिनाथ महाराज यात्रेसाठी आज लाखो भाविक सिंहस्थनगरी म्हणून ओळख असणाºया श्री क्षेत्र त्र्यंबकेश्वरला दाखल झाले. वारकरी संप्रदायाचे अध्वर्यु, संतश्री निवृत्तिनाथ महाराज यांच्या यात्रेसाठी येथे भक्तांचा मेळा भरला आहे. सर्वत्र विठुरायाचा जयघोष सुरू आहे. हरिनामाच्या गजराने त्र्यंबकनगरी दुमदुमली आहे.शुक्रवारी निवृत्तिनाथ महाराज यात्रा असल्याने संपूर्ण महाराष्ट्रासह देशातून भाविकांचे लोंढे त्र्यंबकला दाखल होत आहेत. एवढेच नव्हे तर खास यात्रा बघण्यासाठी विदेशातूनदेखील हल्ली पर्यटक आले आहेत. बारा वर्षातून एकदा भरणारा सिंहस्थ कुंभमेळा व दरवर्षी भरणारा संत निवृत्तिनाथ महाराज यात्रेचा हा ‘महाइव्हेंट’ पाहण्यासाठी व त्याचा अनुभव घेण्यासाठी परदेशी पाहुणे आता येऊ लागले आहेत. अशा या यात्रेसाठी परिवहन महामंडळाच्या बसेस गच्च भरून येत आहेत.बोला पुंडलिक वरदा हरी विठ्ठल श्री ज्ञानदेव तुकाराम.. पंढरीनाथ महाराज की जय.. निवृत्तिनाथ महाराज की जय..! असा जयघोष जागोजागी ऐकायला येतो आहे. बस, ट्रॅक्टर, ट्रक व पायी दिंड्यांमधून निवृत्तिनाथ महाराजांचा जय जयकार सुरू आहे. मुखी फक्त हरिनाम व निवृत्तिरायाचा गजर सुरू आहे.धन्य धन्य निवृत्ती देवा काय महिमा वर्णावा, शिवअवतार धरून केले त्रैलोक्य पावन, समाधी त्र्यंबक शिखरी, मागे शोभे ब्रह्मगिरी असा आदरयुक्त गौरव संत नामदेव महाराजांनी आपल्या अभंगात केला आहे.संत नामदेव महाराज निवृत्तिनाथांच्या संजीवन समाधीप्रसंगी उपस्थित होते. म्हणून या सोहळ्याचे वर्णन तेच करू शकतात. दिंडी म्हणजे केवळ हौस नाही की मौज नाही, दिंडी म्हणजे साधना आहे. पायी दिंडीने शेकडो मैल चालणे तेव्हा तर धड रस्तेही नव्हते. दगड गोटे खाच खळगे काटेकुटे यातून मार्ग काढीत त्र्यंबकला वारीसाठी यावे लागे. आता तर सर्व सोयी उपलब्ध झाल्या. त्यामुळे लाखो भाविक दरवर्षी पायी चालत त्र्यंबकेश्वरची वाट तुडवित यात्रेला येत असतात.निवृत्तीनाथ महाराजांना वारकर्यांनी शिवाचा अवतार मानले आहे. म्हणुनच सकळही तिर्थे निवृत्तीच्या पायी तेथे बुडी देई माङया मनाम्हणुनच संतश्रेष्ठ निवृत्तीनाथ महाराजांनी संजीवन समाधी घेण्यासाठी त्र्यंबकेश्वर क्षेत्र निवडले. कारण त्र्यंबकेश्वर हे तिर्थक्षेत्र त्रिसंध्या क्षेत्र आहे.संत निवृत्तीनाथ महाराज यात्रेनिमित्त जिल्हा पोलीस दलातर्फे तगडा पोलीस फोर्स तैनात केला आहे.त्यात नाशिकचे पोलीस अधिक्षक (ग्रामीण) संजय दराडे यांच्या मार्गदर्शना खाली यात्रा कालावधीत लावण्यात आला आहे. या बंदोबस्तात एक पोलीस उपअधिक्षक तीन पोलीस निरीक्षक सात सहायक पोलीस निरीक्षक चोवीस पोलीस उपनिरीक्षक १७३ पोलीस कॉन्स्टेबल साठ महिला पोलीस कॉन्स्टेबल तर एकावन्न वाहतुक शाखेचे कर्मचारी सज्ज आहेत.परिवहन महामंडळाच्या वतीने जवळपास ३०० बसेसचे नियोजन केले आहे. याबरोबरच आवश्यकते नुसार बसेस वाढविण्यासाठी विभाग नियंत्रक यामिनी जोशी प्रयत्नशील आहेत.याशिवाय उद्या (दि.11) पासुन यात्रा बस स्थानक गावाबाहेरील जव्हार फाटा बस स्थानकावर कार्यरत असेल. त्यामुळे तीन दिवस गावात बस येणार नसल्याचे स्थानक प्रमुख शरद झोले यांनी सांगीतले.संत निवृत्तीनाथ यात्रेत विशेषकरु न वारकरी भाविकांमध्ये शेतकरी वर्ग मोठ्या प्रमाणात असतो. यासाठी तालुका कृषि विभागामार्फत शेतकर्यांसाठी असलेल्या विविध उपयुक्त योजनांची माहिती छापलेल्या कापडी पिशव्याचे वाटप करण्यात आले. याबरोबरच राजिगरा लाडवांचे देखील वटप करण्यात आले. या उपक्र मात तालुका कृषी अधिकारी अजय सुर्यवंशी यांच्या मार्गदर्शनाखाली सर्व अधिकारी क्षेत्रीय अधिकारी विस्तार अधिकारी आदींनी सहभाग घेतला.विश्व हिंदु परिषदेच्या वनवासी कल्याण आश्रम महाराष्ट्र यांच्या वतीने स्वयंसेवकांचे एक पथक दाखल झाले असुन जिल्हा आदिवासी आघाडीचे अध्यक्ष लक्ष्मण सावजी यांच्या नेतृत्वाखाली निर्मल वारी प्रकल्पात जनजागृती व प्रबोधन यात्रेत करीत आहेत. अशा अनेक सेवाभावी संस्थांनी निर्मल वारी यशस्वी करण्यासाठी पालिकेच्या निर्मल वारी मध्ये सहभाग नोंदविला आहे. तसेच हरीत ग्रुप आदींसारख्या अनेक संस्था उत्स्फूर्तपणे सहभागी होऊन काम करीत आहेत.यावर्षी संत निवृत्तीनाथ महाराज यात्रेत लोकांना हवे असणारे करमणुकीचे साधन म्हणून लोकनाट्य तमाशा मंडळाकडेपाहिले जाते.यावर्षी गावाबाहेर रघुवीर खेडकर मंगला बनसोडे व भिका भिमा सांगवीकर हे लोकनाट्य तमाशा मंडळ तमाशे दाखल झालेले आहेत. तर अजुन एक तमाशा मंडळ येणार असल्याचे समजते. तसेच गावात पार्किंगला ब्रेक डान्स मौतका कुवाँ जादुचे प्रयोग इले.उंच पाळणे इले.चक्र ी मिकी माउस आदी लागले आहेत. दरम्यान त्र्यंबक नगरीमध्ये निवृत्तीनाथ महाराज व हरिनामाच्या गज्याने व्यापली आहे. जिल्हा पोलीस अधिक्षक ग्रामीण डॉ.संजय दराडे आदी वरीष्ठ अधिकारी भेट देऊन बंदोबस्त नियोजनाची माहिती घेतली. तसेच काल जिल्हाधिकारी राधाकृष्णन बी. हे देखील यात्रा नियोजनाची माहिती घेऊन व पाहणी करु न गेले. निर्मल वारी संकल्पनेतून होत असलेल्या यात्रेमुळे जिल्हाधिकारी यांनी समाधान व्यक्त केलेनिवृत्तीनाथ समाधी संस्थान तर्फे विश्वस्त पुंडलिकराव थेटे पंडीत कोल्हे महाराष्ट्रातुन येणार्या दिंड्यांचे स्वागत करीत आहेत. तर अन्य विश्वस्त मंडळ अध्यक्ष संजय महाराज धोंडगे त्र्यंबकराव गायकवाड पवनकुमार भुतडा जयंत महाराज गोसावी सोपान गोसावी आदी आज पहाटे देवस्थान विश्वस्त मंडळातर्फे महापुजा व त्या नंतरची शासकीय महापुजा पहाटेच झालेली असेल.परिवहन महामंडळाचे मेळा बस स्थानक जव्हार फाटा येथील बस स्थानकावरून बसेस सोडल्या जात आहेत. आज दुपारी तीन पर्यंत सुमारे दोनशे फेºया झालेल्या होत्या. ही वाहतुक एका बाजुनेच होत होती. तथापि अजुनही गर्दी येतच आहे. उद्या (दि.१२) दोन्ही बाजुंकडुन दुपारनंतर वाहतुक सुरु होईल. मात्र नाशिक कडुन गाड्या भरु येतील.

Nashik (Marathi News)