ओझरला १८ कोरोना बाधित रुग्ण

ओझरटाऊनशिप : ओझर परिसरात मंगळवारी (दि.१६) १८ रुग्ण कोरोना बाधित आढळल्याने ओझर सह परिसरातील आतापर्यत कोरोना बाधित रुग्ण संख्या १३४३ झाली आहे. आतापर्यंत ३२ जणांचा मृत्यू झाला असून १२३६ रुग्ण बरे झाले आहेत. तर ७५ रुग्णांवर उपचार सुरू आहेत.

ठळक मुद्देॲक्टिव्ह झोन ५७ असल्याची माहिती आरोग्य विभागाने दिली.

ओझरटाऊनशिप : ओझर परिसरात मंगळवारी (दि.१६) १८ रुग्ण कोरोना बाधित आढळल्याने ओझर सह परिसरातील आतापर्यत कोरोना बाधित रुग्ण संख्या १३४३ झाली आहे. आतापर्यंत ३२ जणांचा मृत्यू झाला असून १२३६ रुग्ण बरे झाले आहेत. तर ७५ रुग्णांवर उपचार सुरू आहेत.

ओझर परिसरात सलग बावीस दिवसापासून रोज बाधित रुग्ण आढळत आहेत. कोरोनाच्या रुग्ण संख्येत पुन्हा झपाट्याने वाढ होत असल्यामुळे नागरिकांमध्ये भितीचे वातावरण निर्माण झाले आहे.
ओझर सह परिसरातील १८ रुग्णांचा अहवाल मंगळवारी कोरोना बाधित आला आहे. त्यामध्ये ओझरटाऊनशिप मधील १ , गोकुळ कॉम्पलेक्स ७, दत्त नगर १, शिवाजी नगर ५, सोळा नंबर चारी २, गणेश नगर १,व अनुसया पार्क मधील १ रुग्णाचा समावेश आहे. परिसरातील एकुण कंटोन्मेंट झोन संख्या ६२८ झाली असुन ५७१ झोन पूर्ण झाले आहेत. आता ॲक्टिव्ह झोन ५७ असल्याची माहिती आरोग्य विभागाने दिली.

ओझर परिसरामध्ये आता पुन्हा रोजच कोरोना बाधित रुग्ण आढळत असल्याने आता रॅपीड टेस्ट सुरू करणार असल्याचे सांगुन नागरिकांनी या कोरोना विषाणूचा प्रादुर्भाव रोखण्यासाठी काळजी घ्यावी तसेच होम क्वॉरंटाईन रुग्णांनी घरातच थांबावे, असे आवाहन आरोग्य विभागातर्फे आरोग्य अधिकारी डॉ. वैशाली कदम, डॉ. अक्षय तारगे, आरोग्य सहाय्यक अनिल राठी यांनी केले आहे.