औरंगाबाद रोडवर एकास लुटले

रस्त्याने पायी जाणाऱ्या एकास टोळक्याने लुटल्याची घटना औरंगाबाद रोडवरील यश लॉन्स परिसरात घडली. याघटनेत टोळक्याने मारहाण करीत तरुणाच्या खिशातील रोकड, मोबाइल व सुतार काम करण्याचे साहित्य बळजबरीने पळवून नेले.

नाशिक : रस्त्याने पायी जाणाऱ्या एकास टोळक्याने लुटल्याची घटना औरंगाबाद रोडवरील यश लॉन्स परिसरात घडली. याघटनेत टोळक्याने मारहाण करीत तरुणाच्या खिशातील रोकड, मोबाइल व सुतार काम करण्याचे साहित्य बळजबरीने पळवून नेले.याप्रकरणी आडगाव पोलीस ठाण्यात जबरीचोरीचा गुन्हा दाखल करण्यात आला आहे. राजदेव रामदर्शन शर्मा (रा.शिवशक्ती चौक, सिडको) यांनी याप्रकरणी तक्रार दाखल केली आहे.घरफोडीत टीव्ही, सिलिंडरची चोरीनाशिक : जेलरोड परिसरातील मोरे मळा भागात झालेल्या घरफोडीत चोरट्यांनी घरातील एलसीडी टीव्हीसह गॅस सिलिंडर चोरून नेले. याप्रकरणी नाशिकरोड पोलीस ठाण्यात गुन्हा दाखल करण्यात आला आहे.फुलचंद संतोषी प्रसाद शर्मा (रा. मोरे मळा, बालाजीनगर) यांनी याप्रकरणी तक्रार दाखल केली आहे. शर्मा कुटुंबीय रविवारी (दि. १६) कामानिमित्त घराबाहेर पडले असता ही घटना घडली.अज्ञात चोरट्यांनी त्यांच्या बंद घराचे कुलूप तोडून एलसीडीटीव्ही आणि गॅस सिलिंडर असाऐवज चोरून नेला. अधिक तपास सहाय्यक निरीक्षक शेळके करीत आहेत.