नाशिक : अज्ञात वाहनाने दिलेल्या धडकेत गंभीर जखमी झालेल्या दुचाकीस्वार युवकाचा सोमवारी (दि़१४) उपचारादरम्यान मृत्यू झाला़ दिनेश जयस्वाल (वय २६, रा. संजयनगर, अंबडगाव, नाशिक) असे मृत्यू झालेल्या युवकाचे नाव असून, त्याच्यावर आडगावच्या वैद्यकीय महाविद्यालयात उपचार सुरू होते़
पोलिसांनी दिलेल्या माहितीनुसार दिनेश जयस्वाल हा युवक शुक्रवारी (दि़११) रात्री साडेदहा वाजेच्या सुमारास वडनेर-विहितगावरोडवरील मारुती मंदिराजवळून दुचाकीवरून जात होता़ अज्ञात भरधाव वाहनाने त्यास धडक दिल्याने तो गंभीर जखमी झाला होता़ जखमी दिनेश यास योगेश हांडोरे यांनी तत्काळ नाशिकरोड येथील महापालिकेच्या बिटको रुग्णालयात व त्यानंतर आडगाव वैद्यकीय महाविद्यालयात दाखल केले होते़ सोमवारी (दि़१४) उपचारादरम्यान त्याचा मृत्यू झाला़
या प्रकरणी उपनगर पोलिसांनी अज्ञात वाहनधारकाविरोधात गुन्हा दाखल केला आहे़