पंचवटी : रामवाडी गोदापार्क येथील स्वच्छतागृहाजवळ उभ्या असलेल्या रिक्षाला किरकोळ कारणावरून आग लावणा-या दोघा संशयितांना मंगळवारी (दि़५) पंचवटी पोलिसांनी अटक करून रामवाडी परिसरातून धिंड काढली.
नातेवाइकांकडील वादाचा राग मनात धरून संशयित प्रशांत बाळासाहेब फड व अतुल शशिकांत मुर्तडक या दोघांनी हनुमानवाडीत राहणाºया गोरख दत्तू लहामगे याची रिक्षा क्रमांक (एम. एच. १५ झेड ११३४) रविवारी (दि.३) रात्री साडेनऊ वाजेच्या सुमारास आग लावून जाळल्याची घटना घडली. या प्रकरणी हनुमानवाडीतील नागरे मळ्यात राहणारे लहामगे यांच्या फिर्यादीनुसार संशयित फड व मुर्तडक यांच्याविरोधात गुन्हा दाखल करण्यात आला़
पंचवटी पोलिसांनी रामवाडी परिसरात दहशत माजविण्याचा प्रयत्न करणारे संशयित फड व मुर्तडक यांना अटक केली़ तसेच नागरिकांच्या मनातील भीती दूर करण्यासाठी पंचवटी पोलीस ठाण्याचे वरिष्ठ पोलीस निरीक्षक मधुकर कड यांच्या मार्गदर्शनाखाली सहायक पोलीस निरीक्षक रघुनाथ शेगर, पोलीस उपनिरीक्षक महेश इंगोले यांनी या दोघांची परिसरातून धिंड काढली़