- संजय पाठकनाशिक - राष्ट्रवादी काँग्रेस सरकारात सामील होण्यासाठी पाठिंब्याच्या पत्रावर सही दिल्यानंतर आजारी पडलेल्या आणि आपली भूमिका स्पष्ट न करणाऱ्या राष्ट्रवादीच्या देवळाली येथील आमदार सरोज आहिरे आज उपमुख्यमंत्री अजित पवार यांच्या स्वागताच्या निमित्ताने प्रकटल्या.
राष्ट्रवादीत फूट पडल्यानंतरही राज्य सरकारात सहभागी होण्यासाठी पाठिंबा देणाऱ्या आमदारांच्या सहित आमदार सरोज आहिरे यांचे नाव होते. मात्र नंतर ते आजारी पडल्या होत्या आणि आपण शरद पवार की अजित पवार या पैकी कोणाबरोबर जायचे याचा निर्णय घेतला नाही असे सांगितले होते. या फुटीनंतर नाशिक मध्ये शरद पवार आले होते त्यावेळी त्या आजारी असून रुग्णालयात दाखल असल्याचे सांगण्यात आल्याने खासदार सुप्रिया सुळे यांनी त्यांची भेट घेतली होती त्यानंतर मंत्रिमंडळ समावेश झाल्यानंतर छगन भुजबळ यांनीही त्यांची भेट घेतली होती मात्र अद्याप आपण कोणताही निर्णय घेतला नाही असे त्यांनी सांगितले होते. मात्र, शासन आपल्या दारी उपक्रमासाठी उपमुख्यमंत्री अजित पवार यांचे नाशिक रोड स्थानकावर सकाळी वंदे भारत एक्सप्रेस आगमन झाले त्यावेळी त्यांच्या स्वागतासाठी आमदार सरोज आहिरे उपस्थित होत्या.