Leopard in Nashik: नाशिक शहरातील ध्रुवनगर भागात एका गृह प्रकल्पाचे बांधकाम सुरू आहे. इथे असलेल्या एका वॉचमनला बिबट्याचे दर्शन झाले. वॉचमनने बिबट्याला तेथील एका बांधकाम सुरू असलेल्या रो-हाऊसमध्ये शिरताना बघितले. त्यानंतर परिसरात खळबळ उडाली. त्यानंतर याची माहिती पोलिसांना देण्यात आली. त्यानंतर घटनास्थळी नाशिकवनविभागाचे पथक दाखल झाले असून शोध घेतला जात आहे.
नाशिकमध्ये पुन्हा एकदा बिबट्या दिसल्याने खळबळ उडाली. शनिवारी (२८ मार्च) दुपारी एका बांधकाम सुरु असलेल्या प्रकल्पातच बिबट्या शिरला. त्यामुळे कामावर असलेल्या मजुरांसह सगळ्यांनाच घाम फुटला.
लोकांची इमारतींवर गर्दी
परिसरात बिबट्या घुसल्याची माहिती परिसरात वाऱ्यासारखी पसरली. त्यानंतर लोकांनी इमारतींच्या छतावर बिबट्या बघण्यासाठी मोठी गर्दी केली. लोकांची गर्दी वाढल्याने गोंगाटही वाढला. लोकांचा आवाज वाढल्याने रो हाऊसमध्ये घुसलेला बिथरला आणि त्याने रो-हाऊसमधून उडी मारून बाहेर पळाला.
बाजूच्या रानगवतात शिरला बिबट्या
गृह प्रकल्पाच्या बाजूला रानगवत मोठ्या प्रमाणात वाढलेले आहे. गोंगाटामुळे बिबट्या बिथरला अन रो हाऊस मधून बाहेर उडी घेत आजूबाजूला असलेल्या रानगवतात पळाला. रानगवत भरपूर उंच असल्याने आणि बिबट्याकडून हल्ला होण्याचा संभाव्य धोका टाळण्यासाठी जेसीबीच्या सह्याने झाडीझुडूपे काढून बिबट्याला रेस्क्यू करण्याचे काम वनविभागाकडून सुरू करण्यात आले.
या झाडीझूडपामध्ये बिबट्याने आश्रय घेतला असून चारही बाजूने रहिवाशांची घरे असून बिबट्या बिथरल्यास परिस्थिती धोकादायक बनू शकतो. वनविभागाचे नाशिकच्या गंगापूरजवळच्या ध्रुवनगर भागात ऑपरेशन सुरू आहे.
Web Summary : A leopard sparked panic in Nashik's Dhuvanagar after entering a row house under construction. The frightened animal fled into nearby bushes, prompting a rescue operation by the forest department amidst a crowd.
Web Summary : नाशिक के ध्रुवनगर में निर्माणाधीन रो हाउस में तेंदुआ घुसने से दहशत फैल गई। डरा हुआ जानवर पास की झाड़ियों में भाग गया, जिसके बाद वन विभाग ने भीड़ के बीच बचाव अभियान शुरू किया।