नाशिक जिल्हा क्रिकेट संघटना पुन्हा सर्वोत्कृष्ट

नाशिक : महाराष्ट्र क्रिकेट असोसिएशनचा (एमसीए) सर्वोत्कृष्ट जिल्हा संघटनेचा, दुसऱ्यांदा जाहीर झालेला पुरस्कारदेखील पुन्हा एकदा नाशिक जिल्हा क्रिकेट संघटनेनेचे (एनडीसीए) पटकाविला आहे. यापूर्वी २००८ यावर्षी पहिल्यावहिल्या पुरस्कारावरदेखील, नाशिक जिल्हा क्रिकेट संघटनेनेचे विजयी मोहोर उमटविली होती

.

नाशिक जिल्हा संघटनेने २००३ ते २००८ पर्यंत केलेल्या कामगिरीबद्दल तेव्हा हा पुरस्कार मिळाला होता. माजी मुख्यमंत्री, आणि आंतरराष्ट्रीय क्रिकेट संघटनेचे माजी अध्यक्ष शरद पवार यांच्या हस्ते त्यावेळी पहिला पुरस्कार प्रदान करण्यात आला होता. दरम्यान, महाराष्ट्र क्रिकेट असोसिएशनच्या वार्षिक सर्वसाधारण सभेत जाहीर करण्यात आलेला २०२१ साठीचा हा पुरस्कार नाशिक जिल्हा क्रिकेट संघटनेतर्फे, ज्येष्ठ प्रशिक्षक शेखर घोष यांनी पुणे येथे स्वीकारला.

२००३ पासून नाशिक जिल्हा क्रिकेट संघटनेने आतापर्यंत राष्ट्रीय पातळीवरील १२ रणजी करंडक सामन्यांचे अत्यंत यशस्वीरीत्या आयोजन केले आहे. तसेच स्थानिक जिल्हा पातळीवरील खेळाडूंना वाव मिळावा म्हणून आतापर्यंत सातवेळा नाशिक प्रीमियर लीग- एन पी एल- च्या दिवस-रात्र सामन्यांचेही शानदार आयोजन केले आहे. नाशिकच्या प्रत्येक तालुक्यात निवड प्रक्रिया राबवून, सर्व तालुक्यांचा संघ निवडून आंतर तालुका स्पर्धा घेणारी एनडीसीए ही महाराष्ट्र राज्यातील एकमेव संघटना आहे. नाशिकचे माजी आमदार ॲड. विलास लोणारी यांचे मार्गदर्शन व बीसीसीआयचे माजी सचिव अजय शिर्के यांचे प्रोत्साहन व असोसिएशनला कायमच लाभत आहे. नाशिक जिल्हा क्रिकेट असोसिएशनचे अध्यक्ष विनोद शहा यांच्या कल्पक नेतृत्वामुळे नाशिकच्या क्रिकेट विकासाला उत्तम मार्ग गवसला अन् त्यांना सचिव समीर रकटे ह्यांची खंबीर साथ लाभल्यानेच हे यश मिळू शकल्याची भावना एनडीसीएच्या टीमने व्यक्त केली.

फोटो

१८विनोद शहा

१८ समीर रकटे