नाशिक- भाजपाच्या शहराध्यक्षपदासाठी हालचाली गतिमान झाल्या असून येत्या रविवारी( दि 9) पक्षाचे नेते इच्छुकांची मते जाणून घेणार आहेत या पदासाठी अनेक जण इच्छुक असले तरी जुन्या आणि माजी शहराध्यक्षांना मात्र मनाई करण्यात आल्याचे वृत्त आहे.
शहराध्यक्षपदासाठी पदाधिकाऱ्यांची मते जाणून घेण्यात येणार असून त्यासाठी रविवारी प्रदेशाध्यक्ष चंद्रशेखर बावनकुळे आणि भाजपचे महानगर प्रभारी तथा राज्याचे ग्रामविकास मंत्री गिरीश महाजन हे नाशिकमध्ये येणार आहेत. शहराध्यक्षपदासाठी स्थायी समितीचे माजी सभापती गणेश गीते, माजी सभागृहनेते दिनकर पाटील, माजी गटनेते जगदीश पाटील, हिमगौरी आडके आदी दावेदार आहेत तर सध्या संघटनेतील विविध पदे भूषवणारे सुनील केदार, नाना शिलेदार प्रशांत जाधव, अनिल भालेराव गणेश कांबळे, ऍड. अजिंक्य साने हे प्रयत्न करीत आहेत.