मनसेकडून नॉयलॉन मांजाविरोधात जनजागृती

नायलॉन मांजा घातक असून, यामुळे एका महिलेचा गळा चिरून मृत्यू झाला. नाशिकरोड परिसरात अनेक पक्षी या मांजामुळे जखमी झाले आहेत. नवीन वर्ष सुरू झाल्यावर सर्वांना मकरसंक्रांतीचे वेध लागतात. संक्रांतीला नाशिकरोडला मोठ्या प्रमाणात पतंग उडवले जातात. परंतु काहीजण पतंग उडविताना घातक असा नायलॉन मांजा वापरतात. जेलरोडला महापालिका व पोलिसांनी मांजा विक्रेत्यांवर कारवाई करूनही काही विक्रेते हा मांजा विकत असून, पतंगप्रेमीही त्याचा वापर करत आहे. मनविसेने मांजाबाबत जनजागृती सुरू केली असून माजाचे दुष्परिणाम सांगून स्वतः तो वापरू नये व इतरांनाही त्यापासून प्रवृत्त करण्याचे आवाहन पत्रकातून करण्यात येत आहे. या उपक्रमासाठी नाशिकरोड अध्यक्ष नितीन धानापुने, शशिकांत चौधरी, उमेश भोई, रंजन पगारे, गुड्डू शेख, आदित्य कुलकर्णी आदी प्रयत्नशील आहेत.

(फोटो ०६ मनसे)