नाशिक : नाशिक : शहर व परिसरातील विविध भागात राहणाऱ्या दोघा मुलींसह महिलेने आत्महत्या केल्याचा धक्कादायक प्रकार उघडकीस आला आहे.
पहिल्या घटनेत गंगापूर रोडवरील नदीपात्रात उडी घेत एका पंधरा वर्षीय मुलीने आत्महत्या केल्याची घटना मंगळवारी (दि.२१) दुपारी घडली. नक्षत्रा सुनील आहेर (रा. दत्तचौक, सहदेव नगर) असे या मयत झालेल्या मुलीचे नाव आहे. नक्षत्रा हिने गोदापात्रात उडी मारली होती. याबाबत अग्निशमन दलाला माहिती मिळताच जवानांनी रबरी बोटीच्या सहाय्याने मखमलाबादकडे जाणा-या पुलाखाली शोध घेत तिचा मृतदेह नदीपात्रातून बाहेर काढला.
दिंडोरीरोडवरील विजयनगरमध्ये घडली. येथील रहिवासी असलेल्या कमल दिलीप जाधव (३८) यांनी विष प्राशन केल्याने त्या मृत्यूमुखी पडल्या. कमल यांनी धान्यात जंतुनाशक म्हणून टाकण्यासाठी असलेले विषारी औषध प्राशन केल्याचे पोलिसांनी सांगितले. त्यांना त्रास होऊ लागल्याने तत्काळ त्यांना खासगी रु ग्णालयात उपचारार्थ दाखल करण्यात आले. मात्र उपचारादरम्यान मंगळवारी (दि.२१) सायंकाळी त्यांचा मृत्यू झाला. याप्रकरणी म्हसरु ळ पोलीस ठाण्यात अकस्मात मृत्यूची नोंद करण्यात आली आहे.
सातपूर येथील स्वारबाबानगर परिसरातील रहिवासी अर्चना अंकुश गांगुर्डे (२२) या युवतीने राहत्या घरात गळफास लावून गेत आत्महत्या केल्याचा प्रकार मंगळवारी (दि.२१) हा प्रकार समोर आला. याप्रकरणी सातपूर पोलीस ठाण्यात अकस्मात नोंद करण्यात आली आहे. आत्महत्येमागील नेमके कारण अद्याप स्पष्ट होऊ शकलेले नाही.