भाजपाच्या वतीने महाजन यांच्या स्मृतींना उजाळा

नाशिक : दिवंगत केंद्रीय मंत्री आणि भारतीय जनता पार्टीचे ज्येष्ठ नेते प्रमोद महाजन यांच्या स्मृतींना नाशिक महानगर भारतीय जनता पार्टीतर्फे ज्येष्ठ नेते विजय साने यांच्या प्रमुख उपस्थितीत उजाळा देण्यात आला.

ठळक मुद्दे भाषणात प्रमोद महाजन यांच्या आठवणीमहाजन यांच्या स्मृतींना उजाळा देण्यात आला

नाशिक : दिवंगत केंद्रीय मंत्री आणि भारतीय जनता पार्टीचे ज्येष्ठ नेते प्रमोद महाजन यांच्या स्मृतींना नाशिक महानगर भारतीय जनता पार्टीतर्फे ज्येष्ठ नेते विजय साने यांच्या प्रमुख उपस्थितीत उजाळा देण्यात आला. महाजन यांच्या स्मृतिदिनी वसंतस्मृती कार्यालयात आयोजित कार्यक्रमाप्रसंगी व्यासपीठावर स्थायी समिती सभापती हिमगौरी आडके, माजी नगरसेवक सतीश शुक्ल, नंदकुमार देसाई आणि मध्य-पश्चिम मंडलाचे अध्यक्ष देवदत्त जोशी उपस्थित होते. प्रमोद महाजन हे अत्यंत अभ्यासू आणि कुशल वक्ते होते. त्यांचे भाषण म्हणजे एकप्रकारे मेजवानीच असायची. भारतीय जनता पार्टी, शिवसेना युतीचे ते खरे शिल्पकार होते असे यावेळी ज्येष्ठ नेते विजय साने यांनी सांगितले. कार्यालयीन चिटणीस अरु ण शेंदुर्णीकर यांनी प्रमोद महाजन यांच्या नाशिक जिल्हा दौऱ्याच्या आठवणींना उजाळा दिला. सतीश शुक्ल, देवदत्त जोशी, सुजाता करजगीकर, सोनल दगडे यांनीही आपल्या भाषणात प्रमोद महाजन यांच्या आठवणी सांगितल्या. यावेळी शैलेश जुन्नरे, उदय रत्नपारखी, हेमंत शुक्ल, सोपान कदम, पवन उगले, कुणाल निफाडकर, सचिन वाघमारे, श्रीकृष्ण सोनवणे, प्रदीप पाटील उपस्थित होते. सूत्रसंचालन व आभार प्रदर्शन उदय रत्नपारखी यांनी केले.